المساعد الشخصي الرقمي

مشاهدة النسخة كاملة : مشكلة حرارة الفورد فوق النص بشوي الى مرت عليه المشكله يتفضل وشكرا


زين الحلايا
27-06-2013, 09:22 PM
السلام عليكم ورحمة الله وبركاته


ياجماعه مشكلتي بختصار حرارة الفورد

عندي فورد فكتوريا 2002 الحرارة كله فوق النص بشوي

الى سويته

- بدله الترمستات حق الفورد مافاد
- بدله الطرمبه الماي مافاد
- شيشة الراديتير مافاد
- بدله غطاء الجربة هم مافاد
- قبل شوي رحت وبدلت الترمستات وحطيت حق شفر يفتح على 160 درجة هم مافاد

سوا مع المكيف بدون مكيف الحراره فوق النص بشوي طبعا المرواح شغاله بس مادري عن قوه الدفع

ياترى احد ينورنا ويفيدنا اذا مرت عليه المشكله

أبومانع العجمي
28-06-2013, 02:04 AM
خوي حراره ترتفع حتى لو أنت تمشي على رآحه ..؟

أنا أتوقع آلمشكله من المرآوح تآكد أنه تشغل بدعسه ثانيه ..~

لنه الفورد المروحته له سرعتين ..~

تحيآتي ..~

زين الحلايا
28-06-2013, 10:43 AM
هلا اخوي بومانع ... الحراره ترتفع وتثبت فوق النص لا تنزل ولا تطلع مكيف او بدون مكيف مشي او بدون مشي هذا الى معقدني كل الشغلات المتوقعه مبدلها وبليل تنزل اقل من ربع ملي

rzrzrzr
29-06-2013, 01:41 AM
اذا المراوح تعبانه الحراره تنزل بالخط بدعسه ثابته
يعني اجل موضوع المراوح
مشكلتك غريبه مابقى الا تفحص طرمبه الماي هل هي سليمه ودفعها سليم
لانه احيانا تكون الريش ذايبه من الحرارة ودفعها يقل
انصحك تروح لواحد امين ومعروف وانا مجربه شخصيا يهتم اسمه ملك الراديترات من كندى دراي تدخل من دخله ميزان اسد تكمل سيده يجيك تقاطع هو على يسارك في واحد بوجهك اسمه يشبه لاتروحله والعماله اللي فيه اسيويه بس فااهمين

moooon
29-06-2013, 02:08 AM
اخوي جيك على كلج المروحة والله يفرجها عليك

ahmed85
29-06-2013, 02:06 PM
دام انها ثابته اخوي جيك على العداد يمكن الابره مخرفه

No|Chance
29-06-2013, 05:51 PM
الله يكون بعونك . الحرارة لعبت فينا لعب . الله يسترنا من الجو

زين الحلايا
29-06-2013, 09:20 PM
اشكرا كل من عقب عالموضوع ومن حاول يساعدنا ما قصرتوا

بالصدفة فصلت فيشه المروحة وخليتها دايركت شغالة وانا واقف اكثر من ربع ساعه وله اشوف الحرارة قاعد تنزل طبعا هذا على ترمستات شفر لين اوصلت الثلث لكن من احرك ترتفع ... مشكله الفورد اذا خليت المروحة تشتغل على طول المكيف مايشتغل

رحت وغيرت المروحة لكن نفس الشي مادري شالسبب

- اخوي مون كلج المروحة ( مروحة السياره كهربائية وليست سير .. السير من موديل 97 ونازل

الواحد يامن على نفسه بهالجو ماتدري وانت ماشي السياره تخرب عليك ويبدا الاستغلال من صاحب الونشات الى صاحب الكراجات

hisham_222
29-06-2013, 09:35 PM
الحرارة مشكلة كبيرة واسبابها كثيرة

1-شيك على الراديتر يمكن يبيلة تشييش
2- طرمبة الماي
3- الثرموستات
4- اذا راس المكينة مشعور يسبب ارتفاع درجة الحرارة
5- ماء الراديتر ناقص

والله يعينك

جلال الصواغ
05-07-2013, 01:14 PM
السلام عليكم
الشباب ماقصرو لاكن اذكرو. شغلات واجد. ونسوا شي مهم الكل ماذكره وانا باذن الله متاكد منه ولو اقولك هالشي تضحك بس روح وشوفه بعينك
اذا السياره مسوي فيها حادث شيك على الحمايه الي تحت المكينه وجدام الدعاميه
وشيك على الحمايه. الي تكون ورا التاير والمعاوني الي تخلي الهوا مايدخل على المكينه من صوب التاير اذا منشقين ولا طايحين ماتبرد عدل المراوح
والحمايه الي تحت الدعاميه هذي مهمه جدا حق الهوا اي مصنوعه حق الهوا تبريد باذن الله راح تثبت الجراره تحت المص

ahmed85
06-07-2013, 10:46 AM
اخوي اذا فوق النص بشوي طبيعيه لاني راكب فورد بالظهر حرارته تصعد فوق النص حتى قلت حق راعيه ليش الحراره عندك جذي يقول هذا من خذيته من وكالته واهو جذي وستعمله لين ما باعه قبل فتره وما كان في مشاكل استعمال يومي وعندي بليزر 2004 نفس الطريقه بالصيف فوق النص بشوي اذا انت متاكد انها ما ترتفع زياده ان شاءلله مافيها شي

زين الحلايا
06-07-2013, 12:51 PM
مشكورين يا اخوان ماقصرتو
- اخ جلال والله مادري انت تقصد البطانة الي فوق التاير داخل المدقر مادري عنها اشوفها ان شاءالله
- اخ احمد والله اهي ماترتفع بس تحت بداية علامه الحراره بشوي بس المشكلة الهوز مضغوط فيه ضغط سئلت كذا واحد يقولو ن احتمال عندك راس المكينة... الله لايقولها واذا كان راس يا جماعه جم التكلفة الاجمالية؟؟

ahmed85
06-07-2013, 05:33 PM
اخوي لو راس مكينه الماي ينقص معاك؟ والضغط عادي كل السيارات فيها ضغط بالهوز

وتكلفه قاقزيت الراس 60 لي 80 الي اعرفه لانه شغله بسيطه بس شوف لك واحد ابن حلال هذا اذا فيها راس

وشوف لك فورد ثاني جيك على حرارته الظهر عشان تتاكد

زين الحلايا
06-07-2013, 06:43 PM
مشكور اخ احمد ... بالنسبة للماي ابد كل يوم اجيك عليه ما ينقص ولا ملي .. بس الى مستغربه انه حتى لو راس جان تلاقي الحراره على طول فل عدل كلامي وله انا غلطان
على العموم مشكور وجزاك الله خير ... الظاهر بركب مروحه اضافيه جدام الراديتر ونشوف العله

cocowaw
08-07-2013, 11:53 PM
السلام عليكم بظن العيب من دابت التلوث ممكن تكون قديمه ومسكره وهي الا ترفع الحراره عندك وبالخص مع المشي والله اعلم واسئل بعد ميكانيكي وشيك عليها

ugd240000
09-07-2013, 12:17 AM
في عيب شرعي بالفورد الثلاجة دايما تظرب اذ منها ركب هفي دوتي المنيوم ممكن هذا العيب تتبع الرواسب مثل بودرة وترى حميع مشاركات الاخوان ممكن يكون منها اسبب القديم يغثك

lamborghin
18-07-2013, 07:41 PM
اخوي المشكله عندك مبين من المروحه ونصيحه اتركب تجاريه ركب اصليه من الاهليه موجوده تحصلها مع المكثف

lamborghin
18-07-2013, 07:42 PM
ركب اصليه مالت الوكاله تحصلها بالاهليه

زين الحلايا
19-08-2013, 09:57 PM
مشكورين ياشباب كل شي سويته بالسياره ولا نفع بصراحه كرهت السياره اصلح شي يخرب شي ثاني ... اخر شي بعتها على ولد خالي واهو يتصرف فيها

oklahoma
23-08-2013, 01:00 AM
اذا بتعرف اذا الراس مشعور دوس بنزين وخل احد يجيك على الاقزوز من ورا اذا في دخنه بيضه معناته يا انشعار يا القازقيت تلفان وسعره مو 80 اقل بوايد يا جماعه

او ممكن اذا سيارتك نظام الكام شفت على نظام تكايات يبيلهم تظبيط

ممكن الراديتر وصخ ولا مسدود يبيله تنظيف

يمكن مغير الشمعات وحاط بدال شمعات ما تناسب سياراتك

الاهم من هذا كله بدل زيت المكينه اذا مهمله ولا زوده اذا ناقص

زين الحلايا
30-08-2013, 11:31 AM
اخ اوكلاهوما تخيل كل شي سويته بالسياره ولافاد مادري راكبها جني المشكله لو الراس جان الحراره على طول فل لكن الحراره ماكو تثبت فوق النص ولا تتتحرك.. بالاخير طاب خاطري منها وبعتها والى اخذها اكيد يعرف يتصرف معاها :) .. على العموم مشكور على افادتك وعساك عالقوه