المساعد الشخصي الرقمي

مشاهدة النسخة كاملة : .::. ديوانية المصورين .::.


الصفحات : 1 2 3 4 5 6 7 8 9 10 11 12 13 14 15 16 17 [18] 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87

Bu Naser
25-02-2012, 12:02 AM
السلام عليكم

:biglaugh:

أنا دايما شكاك
ما دام الشغلة مو في ديرتي
أطنش
في ديرتي أهلا وسهلا
بره ما أعطيهم ولا أي بيانات
هذا رأيي ما أدري عن رأي الإخوان اللي معانا

تحياتي

alzeen_25
25-02-2012, 01:22 AM
نواف الكلام الي مكتوب صح نفس ما قاله بو ناصر بس بهالموضوع انت مو خسران شي لانه اقل صوره لو وافقوا عليها سعرها 130 دولار

وكاتبين شغله تطمن .. الحين هم شافو صورك وعاجبتهم بس يبون نماذج من تصويرك اكثر علشان يعرضونها على العميل الدائم مالهم مادري منو بالضبط .. الحين باجراء روتيني في شغلنا بالتصوير والدعايه والاعلان .. اننت على سبيل المثال تبي توري العميل التصميم مالك .. ترسله له عالايميل او سي دي ولكن الدقه مالته تنزلها على اخر شي ... الريزيليوشن قصدي ..

علشان لو فكر انه يستغلها ما يقدر ووقت الطباعه بتطلع مبكسله وما تنطبع الا كبر ال 100 فلس

هم ذاكرين هالشي بالعرض مالهم ومو طالبين الا صور الرزليوشن مالها تعيس عالاخر عالاخر

لو ما تعرف تخفف الرزليوشن مال الصور اقولك شلون عالفوتوشب تخسف الصوره خسف

ولما يختارون ويسون معاك العقد ويدزون الفلوس وقتها ترسل بالحججم الي طالبينه لهم

تبي رايي باشر بالموضوع انت مو خسران ابدا

بس دور على صور غيوم بجديه هههههههههههه

AlkhashabNawaf
25-02-2012, 01:53 AM
اوكي يالزين

وانا فكرت فيها انا مو خسران شي

بس جم اخلي الريزليوشن؟ اذا بنزله حيل جم اخليه؟

Taekwondo
25-02-2012, 02:02 AM
بالتوفيق ان شاء الله حجي ، الكلام نوعا ما يطمن ، والموقع مال الشركه ايضا حلو :)

alzeen_25
25-02-2012, 03:17 AM
الحين انت لما تفتح الصوره عالفوتوشب بتكون بالحجم الطبيعي روح على image ومنها على image size

صغرها وايد راح تلقاها مثلا 6000 ×4000
خليها 1000 وراح يتغير الرقم الثاني بروحه

تحت في كلمه ريزليوشن احتمال تلقا الرقم الي عندها 200 او 72

شيل الصح عن الresample وحط عند ريزليوشن رقم خفيف تحت ال 50

ولما تروح تسوي save عند ال image options خلي الرقم 4 او 3

علشان لو قررت الشركة تطبع الصوره بيوم من الايام تطلع معاها بالطباعه صوره غير معلومه الملامح ههههههههه

لا تسوي غلطت واحد من الشباب مستانس اول مره مسوي تصميم وبيوريه شركة عشان يبي وظيفه هناك وعطاهم التصميم وعلى كيف كيفك ثاني يوم قالوله مو مقبول بعد اسبوع نازل الاعلان وتعال طلع حقوقك ماكو دليل

انسب طريقه هالشغله

في ناس يسوون نفس بصمه او علامه مائيه شبه ظل عالصوره بس هالشغله مو بروفيشينال والزبون يمكن ما تعجبه وبتخرب عليك شغل بس هم طريقه ممكن تلجا لها في بعض الحالات

Bu Naser
25-02-2012, 12:36 PM
السلام عليكم

اخوي نواف
صورة الماكرو هذه اللي بالرابط تحت
بأي عدسة صورتها وبأي كاميرا وهل إستخدمت فلاش وشنو نوعه
http://www.mazadq8.com/vb/showpost.php?p=8227335&postcount=4003

مشكووور

AlkhashabNawaf
25-02-2012, 05:47 PM
الزين تسلم حبيبي هذا اللي بيصير انشالله

هلا بو ناصر
هذي صورتها بعدسة 100 ماكرو بدون is

مافيها فلاش
استخدمت اضاءة عادي بالبيت اباجورات تلف يمين ويسار فوق وتحت
وسويت لها كروب طبعا

Bu Naser
26-02-2012, 12:53 AM
تسلم أخوي نواف على التوضيح والإفادة

Bu Naser
26-02-2012, 01:08 AM
السلام عليكم

أخوي نواف بخصوص الأمريكي اللي دز لك إفادة بالرغبة في الحصول على صور الغيوم في تصوير اللاند سكيب

بقولك على إجراءات تتطبقها للإحتياط

1- تقوله من مكان ما دز لك كلامه
تقوله ممكن تبعث لي على إيميلي بطلبك مع التوضيح
عشان تحتفظ برسالته
2- لما تبي تدز لهم صور الغيوم لا تقول برسالتك أنا دزيت الصور
قول أنا بعثت صورة اللاندسكيب الخاصة بمنظر الغيوم والصخور
3- في حالة موافقتهم على صورة الغيوم وفي حالة رغبتهم بشراء هذه الصورة
لا تعطيهم رقم حسابك بالبنك
قولهم ممكن تبعثون ثمن صورة الغيوم الخاصة فيني على حوالة

هذه إجراءات إحتياطية لازم تنتبه لها

بالتوفيق

Bu Naser
26-02-2012, 01:29 AM
وبعد لو تسأل واحد قانوني يفهم في مثل هالإجراءات هم أحسن

تدري هالوقت يخوف ما تقدر تثق في واحد غريب بره بلدك بمجرد إن بعث لك رسالة

Taekwondo
26-02-2012, 01:53 AM
http://farm8.staticflickr.com/7197/6783694880_01f5cf24f7_b.jpg

فنــار
26-02-2012, 01:54 AM
صبحكم الله بالخير جمعيا

عسي ربي يجعله ديوان عامر ان شاء الله

Taekwondo
26-02-2012, 01:55 AM
صبحك الله بالنور حجي فنار ، عامر بوجودك و وجود الشباب الطيبين

فنــار
26-02-2012, 02:01 AM
بارك الله فيك اخوى ومشكور على الضيافه يالغالى

AlkhashabNawaf
26-02-2012, 02:56 AM
تسلم بو ناصر ما تقصر
انا فكرت جذي بعد
قلت حوالة احسن

بس تصدق امس دزيتله مسج ردا على كلامه وقلت انا موافق على التعاون معاكم والاخ ما رد علي لووول

بس بنطر لين يرد علي واقولكم انشالله

وبعدين في شغلة يا بوناصر
انت ذكرت قبل جم يوم عن كاميرا s95 وقلت هذي الكاميرا اللي يحبونها المحترفين ونزلت الحين اليديدة s100

بيني وبينك كل كلام انت تكتبه انا اقعد ابحث عنه مثل السوبر ماكرو raynox dsr 250

المهم اني توني كنت بالغانم وشفت الكاميرا s100 وجربتها

وتبي الصج حجمها صغير وكاميرا جبارة مقارنتا بالحجم خصوصا ان اكبر فتحة عدسة f2

بس اتصدق ان البدي مالها قوي! مو بلاستيك مثل الكاميرات الثانية الصغار

ودشت في بالي الكاميرا وبقوة!

قبل كان في بالي g12 بس الحين لاااا نويت على s100

يا بوناصر لاتييب طاري الكاميرات وهالسوالف ترى انت تشيشني مثل اخونا العود بوحمد هم يشيشوني

شيابنا يبحثون بالنت عن هالسوالف واحنا نطيح فيها :P

Taekwondo
26-02-2012, 03:05 AM
لوووووووول الظاهر انك على طريف نواف والمعاش توه نازل :)

عيبهم الوحيد هالسلسله s من كاميرات كانون ، ما يركب لها فلاش خارجي ، من وجهة نظري الشخصيه ، ايضا العدسه 28مم وليس 24مم مثل الباناسونك ال اكس 5 ، هذي ميزه طبعا حق تصوير اللاندسكيب

لكن

اذا شخص يقول انا ما احتاج الفلاش الخارجي نهائيا وما تفرق معاي ال 28مم او 24مم بالتالي الكانون اس تعتبر خيار ممتاز

AlkhashabNawaf
26-02-2012, 03:32 AM
بوعلي الكانون s100
العدسة فيها 24مم

وانا مايهمني الفلاش فيها

انا لو يهمني الفلاش جان ما شريت الفايف دي وليلحين ما شريت لها فلاش

بس ياخي كاميرا ممتازة وحجم السينسور نفس حجم ال g12

وخيارات وايد هالكاميرا افضل من ال g12

Taekwondo
26-02-2012, 03:42 AM
مواصفاتها حلوة ، وهالكاميرات اللي ما يركب لها فلاش وحجمها صغير يطلقون عليهم بعض المواقع take everywhere camera صغيره وتزرق بالمخبه :)

جم سعرها بالغانم حجي ؟

AlkhashabNawaf
26-02-2012, 03:47 AM
سعرها غالي 211 دينار

من موقع bh حصلتها 115

راح اطلبها انشالله بس مو الحين ناطر فلوس النادي

على فكرة بوعلي اللي حببني بالكاميرا اكثر فيها فلتر nd

من المنيو تحطه

يعني حق لاندسكيب اشوفها ممتازة

ومثل ما قلت انت take everywhere camera

راح تفيدني خصوصا اني مو كل شوي باخذ عدتي كاملة واتمشى فيها لا

هذي بتكون بمخباتي

:)

Taekwondo
26-02-2012, 03:51 AM
قبل لا تاخذها ، قريت شغله كانت موجوده بالموديل القديم s95 ولا زالت ، واللي اهي البطاريه عمرها قصير نوعا ما ، ما لقيت جم صوره بالضبط ولكن من ضمن العيوب حاطين عمر البطاريه ، لكن اذا هالشي ما يفرق معاك وتقدر تشتري بطاريه اضافيه ، توكل على الله شغل حلو :)

AlkhashabNawaf
26-02-2012, 03:53 AM
لا ماعتقد يفرق معاي وماعتقدر بطارتها بتكون غالية

وبعدين تقدر تصور بصيغة raw بعد

Taekwondo
26-02-2012, 04:17 AM
RAW هذي اهم ميزه عندي :)

قمت اشتغل هاليومين على موقع حق التكواندو بالكويت ، قلت اخليه ارشيف صور سواء بطولات قديمه او حاليه ، واخلي اللاعبين اللي يبي صورته يدش وينزلها

http://www.flickr.com/photos/q8taekwondo/

Bu Naser
26-02-2012, 01:06 PM
السلام عليكم

أخوي تكواندو
صورة العلم على الآي فون حلوة ورسمة العلم على اليد بعد حلوة :smile:

أخوي نواف
ترى كثير من المحترفين اللي عندهم عدة تصوير ثقيلة يستخدمون الكاميرا هذه الصغيرة
اللي هي S95
بس الحين ما دام نزلت ال S100 زادت مواصفاتها وخلوا فيها جي بي أس والآيزو زاد وشغلات كثيرة زادت فيها
يشترونها عشان حجمها ومواصفاتها
بالنسبة لموديل الجي
راح تنزل الجديدة بعد ال G12 اللي هي G1 X
إنت عاد لا تستعجل ما دام معاك الفايف دي إنطر لما البحر يصير جزر عشان تقدر تصيد القواقع بأقل التكاليف :smile:

في أحد من الإخوان دز لي رسالة عن الخاص
يمكن إسمه الشمري يستفسر عن طريقة تصوير نقط الماي اللي على الزجاج
تفضل أخوي الطريقة بالصورة بالموقع اللي تحت
بس طلع شيء مهم إنه إستعمل شمسية إضاءة وأنا ماكان عندي هالأدوات
http://www.mymodernmet.com/profiles/blogs/water-drops-mms

Bu Naser
26-02-2012, 01:13 PM
نقطة مهمة أخوي الشمري
بما إن دوائر الماي مستديرة
حط أي شيء تصوره يكون مستدير يعني شكله دايره
حلاو مدور فلوس مدورة
أنا لما حطيت كاكاو الكت كات ما إنضبط معاي لأن الكت كات مو مدور شكله مستطيل

Bu Naser
26-02-2012, 01:20 PM
وإذا تبي تصور أي شيء مو دائري الشكل
مثل الكت كات مثلا
حط الكت كات داخل صحن أبيض مدور
لأن دايرة الصحن راح تنطبق على دواير الماي اللي بالزجاج

jaasoos
26-02-2012, 03:07 PM
السلام عليكم

مواضيعكم حلوه وشيقه

بس ما اشوفكم تسولفون عن النيكون


انا جربت الكانون د550 حلوه وااايد بس يبيلها مجابل وانا ماعندي وقت وبعتها والحين ابليس يقولي اخذ

نيكون د700 :)

شرايكم

او شنو تنصحوني اخذ كانون ولا نيكون 700 لا معزم اشتري كامره وادش دورة تصوير على طوول

Taekwondo
26-02-2012, 03:18 PM
وعليكم السلام ورحمة الله وبركاته ، حياك الله اخوي بوناصر ومشكور على رايك بخصوص الصوره :)

وعليكم السلام ورحمة الله وبركاته اخوي الجاسوس حياك الله ، الكانون اللي عندك انا شريتها منك ما شاء الله عده نظيفه جدا جدا ورايتك بيضا :) بخصوص السوالف عن النيكون مادري صراحه اصحاب النيكون يمكن مشغولين بأقسام ثانيه ، الله العالم

اذا تقول الكانون 550د يبيلها مجابل ، نصيحتي وخر عن النيكون د700 لأنها تحتاج مجابل اكثر :) قبل كل شي ، شنو طبيعه تصويرك ؟ او ما عجبك بالكانون 550د ؟ مع ان فيها اوضاع اوتوماتيكيه واوضاع مانيول يعني سهله تتعلم عليها ونتايجها ممتازه جدا

Taekwondo
26-02-2012, 04:11 PM
الى اصحاب الخبره من الشباب ، بخصوص تصوير صور جماعيه لأكثر من 10 اشخاص ، هل دائما يفضل استخدام فلاش خارجي ؟ هل احد جرب يصور بدون فلاش ؟ صور اكثر من 10 اشخاص

نفس هالصوره مثلا ، صورتها اب باناسونك LX3 بس اعتقد مع الفلاش المدمج ، هل بالكاميرات الاحترافيه الكبيره راح تكون الصوره احلى من جذي ؟

http://farm5.staticflickr.com/4136/4919997146_93d14565e3_b.jpg

@MeSsI 10@
26-02-2012, 04:33 PM
FLOWER

http://i401.photobucket.com/albums/pp92/MESSI_055/011.jpg
http://i401.photobucket.com/albums/pp92/MESSI_055/022.jpg
http://i401.photobucket.com/albums/pp92/MESSI_055/333-2.jpg
http://i401.photobucket.com/albums/pp92/MESSI_055/444-1.jpg
http://i401.photobucket.com/albums/pp92/MESSI_055/055.jpg

slmawi
26-02-2012, 04:46 PM
والله بوعلي اعتقد الفلاش بيعطي انعكاس لاني جربت قبل يومين اصور الشباب صورة جماعية بليل بالظلمة وفلاشات عطت اللون البشرة الوان اكثر بس ماادري على وضعك لانه الكاميرا بعيدة نوعا ما وفي اكثر من 30 واحد اعتقد لازم تجرب


بحطلكم اول تجاربي بالفلاشات صورتين ماابي اثقل الموضوع

http://farm8.staticflickr.com/7047/6931406875_30145a1ddc_b.jpg

http://farm8.staticflickr.com/7042/6931406271_a30d340d1a_b.jpg (http://www.flickr.com/photos/slmawi/)

jaasoos
26-02-2012, 05:11 PM
هلا اهوي تاكوندو عليك بألف عافيه

انا احب اصور كل شي وجم واحد قالي النيكون تصويرها افضل من الكانون واحد نصحني بالكانون د 5 و د7

Taekwondo
26-02-2012, 06:14 PM
اخوي ميسي حياك الله ، خوش صور ولكن بعضهم الفوكس ضايع شوي :)

تسلم حجي سلماوي ، ان شاء الله ننطر البطولة القادمه ونجرب :) الصور ما شاء الله حلوين ولكن بالصوره الاولى حلاته لاف السكان شوي يمين مثل ما قال اخونا الزين من فتره ، اعتقد تطلع احلى

اخوي الجاسوس الله يعافيك ما قصرت ، بخصوص اللي اقترح عليك 5د او 7د صراحه مادري على اي اساس هالاقتراح ، اذا كان سبب بيعك للكانون 550د لأنك تحس يبيلها معابل ، ترى الباقي فئات اعلى بالتالي معابل اكثر :)

فراس البلوشي
26-02-2012, 06:21 PM
ما شاء الله ميسي .. الصور حيل حلوة و تفتح النفس بس الثانية تفاصيلها مو مبينة واللون البرتقالي زايد شوي .

اخوي سلماوي .. الأولى اعجبتني اكثر من الثانية مع ان تأثير اللون الأسود حيل زايد و فيها ميلان . نفس الشي بالصورة الثانية .

اخوي الجاسوس .. الكانون و النيكون ممتازين .. مافي شي اسمه هذي احسن من الثانية ..
هذي فيها مزايا و عيوب و هذيج فيها مزايا و عيوب .

اللي يميز النيكون حدة الصور و نويز أقل بالآيزو العالي ( النوير = النقط الصغيرة اللي تطلع بالصور و غالبا تشوفها بالصور الغامجة ) . ( الآيزو = ISO من خلاله تقدر تتحكم بحساسية سينسر الكاميرا للضوء .. بأغلب الكاميرات يكون من 100 الى 6400 .. اذا زدته تزيد معاك سرعة الشتر او الغالق و يزيد النويز ... و اذا قللته تقل سرعة الشتر و يقل النويز ) اذا مو عارف شنو معنى سرعة الغالق في الكاميرا .. تقدر تبحث عنه باليوتيوب او بجوجل .

اللي يميز الكانون : ألوانها الزاهية المايلة للطبيعة .

طبعا مثل ما قلت لك : الأثنين ممتازين .. من الكانون عندك اللي بعتها 550دي , مو صعبة وانا شخصيا مجربها , واايد زينة و في تطوير لها واللي هي 600دي هم وااايد زينة و عندك ال60 دي و ال7دي و 5 دي مارك و غيرهم

والنيكون عندك دي3100 و دي90 و دي 5100 و دي700 و دي7000 ودي 3s وغيرهم

بس ما انصحك انك تاخذ الدي700 لأنك قلت عن ال550دي انها يبيلها مجابل فشلون على الدي700 اللي يبيلها مجابل أكثر مثل ما قال اخوي تيكواندو .. وعلى فكرة ترى شركة نيكون بينزلون تطوير حق الدي700 واللي هي دي800 فحرام تاخذها يعني .

انت شكلك مبتدىء .. فإذا تبي كانون اخذلك 600دي
واذا تبي نيكون اخذلك دي5100 ::: هذي نصيحتي :::

والأثنين ممتازين و نفس المواصفات تقريبا .

و بخصوص العدسات أنصحك تاخذ 18-200 مع مانع اهتزاز كبداية واذا ما تقدر اخذلك 18-135
وبعدين عاد شوف نوع التصوير اللي تميل له و اخذلك العدسة اللي تصلح له .

موفقين .

@MeSsI 10@
26-02-2012, 10:37 PM
اخوي ميسي حياك الله ، خوش صور ولكن بعضهم الفوكس ضايع شوي :)



ما شاء الله ميسي .. الصور حيل حلوة و تفتح النفس بس الثانية تفاصيلها مو مبينة واللون البرتقالي زايد شوي .



مشكورين

على

الردود

الجميلة

والنصائح

الأجمل

فراس البلوشي
26-02-2012, 10:54 PM
ناوي على ال Nikkor 50mm f/1.4G FX
شرايكم ؟؟
طبعا .. كامرتي Nikon D5100 ( فريم متقطع )
يعني راح تصير على كامرتي 75mm

يعقوبيان
26-02-2012, 11:20 PM
ناوي على ال Nikkor 50mm f/1.4G FX
شرايكم ؟؟
طبعا .. كامرتي Nikon D5100 ( فريم متقطع )
يعني راح تصير على كامرتي 75mm


اخوي فراس ان ما خاب ظني كأن هالعدسة ما تركب على هالكاميرة؟
انا عندي هالكاميرة واللي يركب عليها هذا:
Nikon AF-S NIKKOR 50mm f/1.8G Lens

اهم شي ان يكون فيها زر MA/M نفس ماهو واضح بهالصورة تحت:

http://www.dxomark.com/var/ezwebin_site/storage/images/news/dxomark-news/nikon-af-s-nikkor-50mm-f-1.8g-review-of-the-famous-50mm-1.8d-successor/29636-3-eng-US/Nikon-AF-S-NIKKOR-50mm-f-1.8G-review-of-the-famous-50mm-1.8D-successor.jpg

e m i n e m
27-02-2012, 12:15 AM
السلام عليكم ياربع لكم وحشه

رايكم بالصوره ماعليكم امر

http://farm8.staticflickr.com/7036/6786850174_f8e8332a4c_z.jpg (http://www.flickr.com/photos/q8-mc/6786850174/)
Auckland City (http://www.flickr.com/photos/q8-mc/6786850174/) by q8-mc (http://www.flickr.com/people/q8-mc/), on Flickr

Taekwondo
27-02-2012, 12:43 AM
وعليكم السلام ورحمة الله وبركاته اخوي eminem حياك الله يالغالي

الصوره ما شاء الله حلوة ، ألوانها ممتازة وميلان حلو :)

alzeen_25
27-02-2012, 12:50 AM
شكلك مركب فلتر اخوي ايمينم ... اللون الوردي المتدرج ماله داعي مخرب الصوره ومبين مصطنع مو شي فني فيها

لو من غيره الصوره روعه بتكون وما عليها كلام

e m i n e m
27-02-2012, 01:40 AM
يعطيكم العافيه واشكركم على رايكم

التصوير بدون فلتر كان بس معدل عليها

Bu Naser
27-02-2012, 02:15 AM
السلام عليكم

أخوي تكواندو

ما عندي فكرة عن التصوير الجماعي في صالة رياضية مغلقة
بس أكيد الكاميرات الإحترافية تعطيك صور أفضل

إنت يبيلك عدسة wide angle
لو كانت عندك الفايف دي كان إقترحت عليك العدسة
EF 16-35mm f/2.8L II USM
أو
EF 24-70mm f/2.8L USM

طبعا إنت عندك الكاميرا ستين دي يعني كروب سنسر
لو تحط هالعدسات عليها ما راح تصير wide angle لأنك راح تضرب الرقم في 1.6

أقترح لك العدسات التالية مع كاميرتك الستين دي
Canon EF-S 17-55mm F/2.8 IS USM
Sigma 17-50 2.8 EX DC OS HSM
Tamron SP AF 17-50mm f/2.8 XR Di II LD IF
Tamron 17-35mm f/2.8-4 Di

عدسة الكانون غالية واللي عنده هالعدسة ما يبيعها غالبا
لكن السيجما والتاميرون أرخص ويؤدون الغرض
شوف عدسة التاميرون شلون شكلها حلو على الستين دي
http://www.the-digital-picture.com/Reviews/Tamron-17-50mm-f-2.8-XR-Di-II-Lens-Review.aspx

وهالعدسات تقدر تصور فيهم من غير فلاش

Taekwondo
27-02-2012, 02:20 AM
وعليكم السلام ورحمة الله وبركاته

قواك الله اخوي بوناصر على اللسته القيمه من العدسات ، ولكن ، مشكلة التصوير الجماعي ما راح تحتاج فتحه عدسه 2.8 ... اقل شي يبيلك فتحة عدسه 8 ، عندي عدسه كانون 18-200 بس لحد الحين ما جربتها :)

Bu Naser
27-02-2012, 02:38 AM
أنا إخترت لك فتحات عدسات واسعة عشان التصوير في مكان مغلق
وإذا بتصور بالعدسة اللي عندك 18-200 على الفتحة 8 يعني لازم تستخدم الفلاش
عندك هالعدسة وأنا قاعد أدور لك عدسات ؟
تصدق شفت كم صورة للعدسة 100 ماكرو اللي فيها مانع إهتزاز اللي تكون فاخرة
شفت كم صورة في موقع أجنبي مصور فيها المصور داخل صالة لعب كرة سلة
بس شنو ؟ صور رهيبة جدا ألوان وصور حادة جدا
بس ما أقدر أحط الموقع عشان اللاعبات حريم
يعني الصالات المغلقة يلزمها عدسات فتحتها كبيرة

Bu Naser
27-02-2012, 02:45 AM
لا مو كرة سلة
كرة طائرة :smile:

Bu Naser
27-02-2012, 03:22 AM
خبر جديد

تاريخ صدور الكانون فايف دي الجديدة ومواصفاتها
بس هل هذه المعلومات صحيحة ؟ الله أعلم
http://www.canonrumors.com/category/photography/canon-5d-mark-iii/

small maradona
27-02-2012, 12:14 PM
سلام عليكم
ياجماعة محتار بين
Canon EF 85mm f/1.8 USM و Canon EF 100mm f/2.8 Macro USM
أب شنو تنصحوني

alzeen_25
27-02-2012, 12:41 PM
ال100 مم تؤدي نفس العرض الي تسويه ال 85 مم بزياده عليها الماكرو

وفيها زوم اكثر بالنسبه للحده ان كان فيها فرق ما عندي اي فكره بس للوهله الاولى الماكرو افضل واهل الخبره يدرون بالتفاصيل وان شاء الله يفيدونك

Bu Naser
27-02-2012, 02:07 PM
السلام عليكم

العدسة 85 تستعمل لتصوير الرياضة الداخلية
صالات مغلقة رياضة بالبيت يعني يكون الضوء أقل حدة من الضوء الخارجي
ويستعملونها لتصوير البورتريه وتصوير صور المنتجات ولتصوير حفلات الخطوبة والزواج

العدسة 100 ماكرو
تستعمل للكلوس أب يعني التصوير القريب والماكرو ولتصوير البورتريه وكذلك صور المنتجات

ببساطة شديدة إذا ما كنت محتاج الماكرو
تختار ال 85 فتحتها أكبر من فتحة العدسة 100 ماكرو يعني تسمح لك بدخول الضوء أكثر وبالتالي تقدر تستعملها بدون فلاش

وفيها ميزة حلوة لما تصور هدف بمسافة قريبة راح تعطيك عزل للخلفية

أنا بالنسبة لي الإثنين ما استغني عنهم بس ال 100 عندي اللي فيها مانع إهتزاز
ساعدتني كثير لأن إيدي تهتز وقت التصوير

Matereza
27-02-2012, 02:08 PM
اخوي مارادونا محد بالدوانية كلها يقدر يقول شاللي احسن من الثانيه
لان على حسب تصويرك....اذا كنت ماكرو فلااااازم تاخذ ال ١٠٠ و ٨٥ ماراح تفيدك
اذا كان بورتريه و استديو ف ٨٥ تفيدك حيل لكن يبيلها مساحه
الفرق هو استخدامك وبالتوفيق

Bu Naser
27-02-2012, 02:17 PM
اخوي مارادونا محد بالدوانية كلها يقدر يقول شاللي احسن من الثانيه
لان على حسب تصويرك....اذا كنت ماكرو فلااااازم تاخذ ال ١٠٠ و ٨٥ ماراح تفيدك
اذا كان بورتريه و استديو ف ٨٥ تفيدك حيل لكن يبيلها مساحه
الفرق هو استخدامك وبالتوفيق

صحيح حسب الإستخدام

Bo-Nsorat
27-02-2012, 02:58 PM
يا جماعه الله يجزاكم خير ابي اشتري كامره كانون بس مدري كم اسعارهم ومابيهم ينصبوني بالسعر الي يعرف اسعار كامرة كانون 1100d بالكويت يا ريت يعلمني وتسلمون

alzeen_25
27-02-2012, 03:01 PM
بالغانم او يوريكا مادري بالضبط شفت سعرها من يومين 169 دينار مع عدسه اساسيه

Bo-Nsorat
27-02-2012, 03:14 PM
^^
الله يجزاك خير

small maradona
27-02-2012, 04:32 PM
والله يعطيكم ألــــــــــــــــــــــــــــــــــــــــــــــــ ـــــــــــــــــــــف عافية

بس سؤال أخير لاهنتو 85mm فيها مانع أهتزاز

Taekwondo
27-02-2012, 04:57 PM
مافيها مانع اهتزاز :)

Taekwondo
27-02-2012, 05:09 PM
ابشركم شباب ، محل الغنيم لمعدات التصوير فتح من جديد ، بالديره مقابل بنك بيتك
(بيت التمويل الكويتي) ، لحد الحين ما حطوا عدسات ولكن عندهم جناط وستاندات وان شاء الله باقي الاشياء بالطريج

رقمهم 99066601 - 90023334

Bu Naser
27-02-2012, 06:20 PM
مشكور أخوي تكواندو على المعلومة الجديدة :smile:

إعادة تجربة قطرات الماء تحت الزجاج

برتقالة تحت الزجاج
http://im15.gulfup.com/2012-02-27/1330358100391.jpg (http://www.gulfup.com/show/X3eerhmg0z7xc)

تفاحة تحت الزجاج
http://im15.gulfup.com/2012-02-27/1330358101772.jpg (http://www.gulfup.com/show/Xc8odybfzttt)

غطاء عدسة كانون تحت الزجاج
http://im15.gulfup.com/2012-02-27/133035810133.jpg (http://www.gulfup.com/show/X3eesltyu9oqa)

وبالمرة وأنا قاعد أصلح ماكينة الحلاقة صورت البورد الخربان :D
http://im15.gulfup.com/2012-02-27/1330358101474.jpg (http://www.gulfup.com/show/X182g4vn20ne)

Taekwondo
27-02-2012, 11:52 PM
خوش افكار بوناصر ، احلاهم او اكثر وضوح غطاء الكانون ، وصورة البورد عجيبه :)

راعي قومات
28-02-2012, 02:13 AM
يعطيكم العافيه يالربع

شفت كانون 60د بجمعية الشاميه تحت يبيعها ب 360 +ستاند + ميموري4 قيقا + عدسة 18-138+كفاله سنه

شرايكم بالسعر حلوو ولا اشوف مكان ثاني

alzeen_25
28-02-2012, 02:33 AM
لو فعلا السعر هذا موجود مع نفس العدسه لحق عليها قبل لا تخلص لانه نفس المحل يبيع ال18-55 مع الكاميرا بسعر اغلى وهالكلام من جم شهر فقط


تاكد من العدسه ولو نفس المذكور توكل السعر نااري لانها بامازون بدون شحن خارجي وداخلي ولا ضرايب ولا اي شي تحصلها ب 333 دينار والسعر ما تغير من لما نزلت الكاميرا

Loli-pop
28-02-2012, 02:47 AM
سلام عليكمم


حبيت اسال عن كاميره 50دي

داشه راسي من زمااان

وانا عندي 550دي
بس ابي اعرف شالفرق

وانا عرفت انه الفرق الي بينهم بس
انه 550 دي فيها عربي وتصور فيديو و50 دي مافيها عربي وماتصور فيديو وهالشي مو مهم بنسبه لي
و550دي 18ميقا بكسل و 50دي 15 ميقا بكسل والبدي مال 550دي خفيف و 50دي قوي

وانا محتاج بدي قوي

فا يعني لو ابدلها معه 50دي راح اتندم ؟
ولا شنو تكفون نصحوني

alzeen_25
28-02-2012, 02:58 AM
بصوره عامه تعتبر ال 50 دي من الفئه الاعلى وتتفوق بعدة مميزات عن ال550 دي

اولا : البودي المغنيسيوم
ثانيا : عدد الصور بالثانيه ضعف ال 550 دي
ثالثا : سرعة الشتر 1/8000 ويعتبر ضعف ال 550 دي
رابعا : الفيو فايندر اكبر وافضل
خامسا : البطاريه اقوى وتدوم اكثر

ال550 دي افضل ب :

اولا تصوير الفيديو
ثانيا : التصوير الليلي ( اتعس من بعض بس افضل من ال 50 دي تعتبر )
ثالثا : الايزو فيها يوصل لل 6400 بينما الثانيه 3200

بالنهايه الكاميرتين نفس الشي تقريبا ولكن حرفيه اكثر اخذ ال 50 دي مع انه نصيحتي تاخذ ال 60 دي افضل منهم الثنتين ولو ميزانيتك اكثر شوي اخذ ال 7 دي افضل منهم كلهم بكل شي

Loli-pop
28-02-2012, 03:03 AM
يعطيك العافيه خيي

انا مزانيتي علي 50دي بس :(

يعني اتوكل علي الله وابدل ال550 ابـ 50دي ؟

alzeen_25
28-02-2012, 03:38 AM
هالشي راجعلك حسب انت شنو تبي فيها

البودي شي مهم ولكن لو مرتاح على كاميرتك خلك عليها ترى وايد قويه وما تشكي من شي

بالنهايه القرار قرارك

Loli-pop
28-02-2012, 03:47 AM
ان شاء لله ويعطيك العافيه خيي ..


وناوي عليها ال50دي

Matereza
28-02-2012, 04:29 AM
راعي قومات العرض حيل جبار الحق عليه

e m i n e m
28-02-2012, 05:04 AM
ادري مو واضحه الصوره بس مصورها بالايفون

http://q8st.net/forum/uploaded/7346_1330398197.jpg

Taekwondo
28-02-2012, 02:15 PM
يعطيكم العافيه يالربع

شفت كانون 60د بجمعية الشاميه تحت يبيعها ب 360 +ستاند + ميموري4 قيقا + عدسة 18-138+كفاله سنه

شرايكم بالسعر حلوو ولا اشوف مكان ثاني

قواك الله اخوي ، السعر صحيح اميه بالاميه ، ولكن ، الغير صحيح العدسه المرفقه :) السعر اللي تقوله حق الكانون 60د معاها عدسه 18-55 ، اليوم انا متصل فيهم ومتاكد ، سعر الكانون 60د مع عدسة 18-135 تقريبا 430 دينار

للتوضيح فقط لا غير :)

Taekwondo
28-02-2012, 02:16 PM
ما شاء الله خوش صوره اخوي eminem مطبق عليها HDR الايفون ولا برنامج تعديل خارجي ؟

Bu Naser
28-02-2012, 02:40 PM
خوش افكار بوناصر ، احلاهم او اكثر وضوح غطاء الكانون ، وصورة البورد عجيبه :)

مشكور بوعلي :biglaugh:


قواك الله اخوي ، السعر صحيح اميه بالاميه ، ولكن ، الغير صحيح العدسه المرفقه :) السعر اللي تقوله حق الكانون 60د معاها عدسه 18-55 ، اليوم انا متصل فيهم ومتاكد ، سعر الكانون 60د مع عدسة 18-135 تقريبا 430 دينار

للتوضيح فقط لا غير :)

صحيح 360 دينار للستين دي مع العدسة
EF-S 18-55mm f/3.5-5.6 IS II
وسعر 430 دينار للستين دي مع العدسة
EF-S 18-135mm f/3.5-5.6 IS
هذا سعر محل كاميرات جمعية الشامية

للعلم والتأكيد :read:

Bu Naser
28-02-2012, 02:55 PM
السلام عليكم

ما شاء الله أخوي eminem
خلاص بعد خل نبيع كاميراتنا
أنا جربت أصور بالآي فون فور الإصدار الأول مو الجديد
كنت أصور العمارات العالية اللي بالسوق من فوق سطح عمارة عالية
تقول كأنك مصور بالفايف دي تو :biglaugh:
الحين أخونا تايلندي يزعل :lac:

Taekwondo
28-02-2012, 03:12 PM
صورة ماكرو عالسريع ، العدسه مركونه بالكبت قلنا نجربها شوي :)

http://farm8.staticflickr.com/7054/6791967378_d87e6874b4_b.jpg

كل ما اتهدد اقول ببيع هالكاميرا ، مادري ليش اهون لووول :) مع انها موديل قديم لكن نتايجها حلوة

Bu Naser
28-02-2012, 03:13 PM
هل هالصور صحيحة للفايف دي ثري الجديدة ؟

http://www.petapixel.com/2012/02/27/canon-5d-mark-ii-photos-and-specs-leak-ahead-of-impending-launch/

Bu Naser
28-02-2012, 03:16 PM
السلام عليكم
ما ذكرت أبو علي شنهي نوع الكاميرا اللي صوورت فيها هالماكرو ؟

alzeen_25
28-02-2012, 09:27 PM
شباب في محل يبيع دانبو بالكويت ؟؟

danbo اللعبه الكرتونيه وهذي صورها

http://arkarthick.com/2010/06/15/cute-funny-danbo-cardboard-box-toy-robots-art/


الي يعرف لا يبخل علينا ابي اشتري عائله واربيها هههههههههه قصدي اصورها

Taekwondo
28-02-2012, 09:54 PM
بوناصر الكاميرا الله يسلمك باناسونك g1 والعدسه لايكا 45مم فتحتها 2.8
هالكاميرا نزل بعدها موديلين g2 وحاليا بالكويت مسوين عرض على g3 اللي نزلت لها صور من فتره بالديوانيه

حجي الزين مادري بس يمكن محل الغنيم اللي حطيت رقمه بالصفحتين اللي فاتوا تحصل عندهم

Bu Naser
28-02-2012, 09:55 PM
السلام عليكم

هلا أخوي الزين

هذه لعبة ؟
أول مرة أدري
علبالي كرتون صغير يوزعونه موقع أمازون للي يشتري منهم
أشوف مواقع التصوير يصورونه وايد
وإسمه دانبو ؟
إحنا ربعنا هني لو يسوون واحد راح يسمونه دونبك مفرد دنابك :kicking:

Bu Naser
28-02-2012, 10:02 PM
بوناصر الكاميرا الله يسلمك باناسونك g1 والعدسه لايكا 45مم فتحتها 2.8
هالكاميرا نزل بعدها موديلين g2 وحاليا بالكويت مسوين عرض على g3 اللي نزلت لها صور من فتره بالديوانيه

حجي الزين مادري بس يمكن محل الغنيم اللي حطيت رقمه بالصفحتين اللي فاتوا تحصل عندهم

مشكور بوعلي

ما شاء الله يبين من الصورة إن العدسة فتحتها 2.8 لأن الصورة حادة
تصدق شفت صور حلوة مصورها واحد مصور أجنبي في كاميرا صغيرة
Olympus E-PL1
ومركب عليها عدسة بناسونيك
20mm 1.7
الصور عجييييييييييييييييييييييبة رهيييييييييييييييييييييييبة
هههههههه
هذا التمديد عشان الوصف
يعني عدسات بناسونيك حلوة
إنت جذي راح تشيشني مرة ثانية على البناسونك GH2 :smoking:

alzeen_25
28-02-2012, 10:05 PM
شفته بامازون وايد غالي ما توقعت بهالسعر وهو كبر علبه كبريت .. وفي منه احجام

تخيل اثنين كبار واثنين صغار ب150 دولار بدون شخص .. في شي غلط فيه اكيد

Taekwondo
28-02-2012, 10:10 PM
لوووووووووووووووول يازتلي دنابك :)

بخصوص الاولمبس epl-1 تعتبر موديل قديم ايضا ونزل وراها اعتقد موديل او اثنين ، الحلو فيهم ان عدسات الاولمبس والباناسونك يركبون على بعض ، العدسه اللي تقول عنها باناسونك 20مم فتحتها 1.7 من اقوى العدسات صراحه وحجمها صغير جدا ، ما يبيله كلام عندي اياها :)

شوف طال عمرك العيب الوحيد اللي شفته بالباناسونك صراحه البطء شوي مقارنة مع كانون 60د ، طبعا اتكلم عن الموديل القديم اللي عندي G1 ، بخصوص GH2 ما جربتها ولكن ان شاء الله اذا حصل وطلعت سريعه مايبيله كلام ناوي عليها :)

اغلب الصور الجماعيه اللي اصورها تكون بالباناسونك ، لأن الفوكس حلو فيها وايضا حجمها ما يهد الحيل

e m i n e m
28-02-2012, 10:11 PM
التعديل كله بالايفون نفسه واستخدمت hdr
يعطيكم العافيه على رايكم
وتيكواندو صوره لو مزوم عليها اتصير جنه الكلمه مكتوبه بالشارع

Taekwondo
28-02-2012, 10:15 PM
الله يعافيك حجي eminem اي بغيت اقصها اكثر لكن كانت عالسريع ، المره اليايه ان شاء الله :)

Bu Naser
28-02-2012, 10:19 PM
ولو تبحث في اليوتيوب راح تلاقي إن الكاميرا بناسونك gh2 تركب عليها عدسات كانون بس تحط لها أدابتر
يعني لو ركبت عليها عدسة كانون 200 راح تصير كأنها 400 على الفل فريم

أنا قبل لا أتجه للكانون كنت رايح أشتري كاميرا دبابة مصفحة أولومبوس e5 ورحت للوكيل مالها بسوق الديرة
قال ما عندي ولا راح نجيب منها بس عنده عدسات لها وزومات
وسألت عنها لقيت إنها موجودة في الإمارات بس غالية جدا

ليش أقول هالكلام ؟
لأن نظام الفور ثيرد ولا الثيرد فورد ما أدري نسيت أي وحده الأول
عجبني عشان جذي داخله مزاجي البناسونك gh2 نفس السيستيم

Bu Naser
28-02-2012, 10:27 PM
شفته بامازون وايد غالي ما توقعت بهالسعر وهو كبر علبه كبريت .. وفي منه احجام

تخيل اثنين كبار واثنين صغار ب150 دولار بدون شخص .. في شي غلط فيه اكيد

عاد تصدق لو عندي وقت كنت سويت واحد أحسن منه
عندي العدة وأحب الإبتكار والأعمال الفنية اليدوية بمهارة الحمد لله
بس راح أبيعه بخمسين فلس عشان الناس تشتريه ويخلص من السوق

مواهبي الفنية كلها كسروها عيالي الله يخليهم لي
الحمد لله

Taekwondo
28-02-2012, 10:36 PM
لوووول الله يخليكم حق بعض يا بوناصر :)

بخصوص نظام الفورثيرد نزل بعده نظام ماكروفورثيرد اللي تتبعه الباناسونك gh2 ، ميزتهم اداء ممتاز بحجم نوعا ما صغير مقارنة مع الشركات الاخرى ، الاولمبس اللي تقول عنها صحيح غاليا حتى بالنت ، للأسف بالكويت هالنظام ضايع ومافيه اهتمام ، اللهم الحين اليوسفي توه صحى من النوم وشغالين عليه صح ، بس تعال استلم اسعار نار :)

حاليا عندهم عرض على باناسونك g3 الموديل اللي يعتبر اصغر من gh2 ومعاها عدسه 14-42مم وعدسه زوم 45-200 اعتقد سعرهم 250 دينار ، حتى بالنت اغلى من جذي ، شاد حيله اليوسفي لكن الناس قليل جدا جدا يعرفون هالكاميرات

alzeen_25
28-02-2012, 11:01 PM
من يومين كنت مع شخص اعرفه وعنده عدستين 85 مم فتحت العدسه 2 نيكون

الي عجبني بالموضوع انه معاه ادابتر ويركب العدسات عالكانون والعدسات اساس الفوكس فيها مانيوال والاي اس او بالعدسه

بخاطره يبيعهم

الي وده بهالعدسات يكلمني عالخاص اعطيه رقم الريال ويتفاهم معاه

بس اهم شي الادابتر وايد عجيب

Bu Naser
28-02-2012, 11:09 PM
شكلي بستانس شوية بالكانون
بس راح يكون خط سبري البناسونك
حتى الفنيشن لما تمسك عدسة منهم ولا زوم تحس الصناعة مرتبة
تصدق حتى في المنتديات الأجنبية لما أثير هالموضوع
كل الشياب يمدحون البناسونك والأولومبوس وشوية من الشباب
يقولون شي اللي يخلينا نشيل هالأوزان من الكانون والنيكون ؟
مادام البناسونك تعطينا نتايج حلوة

Taekwondo
28-02-2012, 11:19 PM
شكلي بستانس شوية بالكانون
بس راح يكون خط سبري البناسونك
حتى الفنيشن لما تمسك عدسة منهم ولا زوم تحس الصناعة مرتبة
تصدق حتى في المنتديات الأجنبية لما أثير هالموضوع
كل الشياب يمدحون البناسونك والأولومبوس وشوية من الشباب
يقولون شي اللي يخلينا نشيل هالأوزان من الكانون والنيكون ؟
مادام البناسونك تعطينا نتايج حلوة

هالنقطتين اللي مخليني لحد الحين محتفظ بالباناسونك :)

شوف هالتعليق من موقع اجنبي معروف حق الكاميرات والعدسات ، التعليق بخصوص GH2 انها ما تنفع حق

Fans of fast action, and anyone that needs print-ready JPEGs straight out of the camera.


الزين حجي ، الادابتر هذا يخليك تركب اي عدسه نيكون على كاميرات كانون ولا فقط العدسه اللي عنده ؟

Bu Naser
28-02-2012, 11:24 PM
هذا أدابتر يخلي عدسات كانون تركب على البناسونك مايكرو فور ثيرد

http://www.ebay.com/itm/Build-Aperture-Canon-EOS-EF-Lens-Micro-4-3-M4-3-Mount-Adapter-E-P3-GF2-G3-/330692367492?pt=LH_DefaultDomain_0&hash=item4cfecd1484#ht_4370wt_917

الطريقة حسب ما هو ذاكر اللي مجربه
1) Get an adaptor with apeture built into it
2) Set the lens apeture on your canon dslr body
a) select AP
b) select the apeture
c) depress the DOF preview button to stop down the lens
d) keep the DOF preview butto pressed while at the same time removing the lens, the lens will then be stopped down.
e) use as normal with a m4/3 adaptor

Taekwondo
28-02-2012, 11:52 PM
سعره جيد والله :) بالفتره الحاليه خلني على اللي عندي ننطر ونشوف هالنظام شنو اخرته

Bu Naser
28-02-2012, 11:58 PM
الأدابتر حاطين الكاميرات اللي تمشي معاه أسفل الصفحة
وهو أيضا فقط لعدسات الكانون نوع ef
ما يمشي مع عدسات ef-s
الفكرة من إمتلاك الأدابتر هي
إنك طبعا إخترت البناسونك و ما عندك عدسات كانون لأنك ما تحب أوزانها
الفكرة إنك تكون مثلا مع صديق لك عنده كانون وتحب تشاركة في وقت معين بعدسات كانون فقط لا غير
يعني مو معقولة أنا إخترت أشتري بناسونك ومرتاح منها وأروح أشتري عدسات كانون
جذي ما سوينا شيء

alzeen_25
29-02-2012, 12:04 AM
والله مادري الي شفته انه الريال كان مركب العدسه على كاميرته الفايف دي وشغالين عاد تركب ما تركب على كل العدسات الله اعلم

بس ما اظن انه بتفرق وايد لانه المبدا واحد بما انه اشتغلت عدسه اكيد الباقي يشتغل

Bu Naser
29-02-2012, 12:48 AM
السلام عليكم

بو علي
ودي أسألك
أشوفك حريص على التصوير بصيغة RAW
أنا ما عندي فكرة عن هالتصوير بالصيغة هاذي
أصور على طول بصيغة jpg
وطبعا ما أعرف أعدل ألوان التصوير ببرنامج Lightroom
سؤالي هو
جربت أعدل على الصور بصيغة jpg بالبرنامج المذكور
شفت إن الصور تتغير ألوانها وشغلات ثانية مثل السطوع والحدة والتفاصيل
إذن ليش البعض يصور بصيغة RAW ؟
شنو الغرض منها

وتسلم

Taekwondo
29-02-2012, 01:00 AM
وعليكم السلام ، شوف طال عمرك اول ما بديت تصوير استغربت من مسألة Raw ، يوم شفت السيديات المرفقه مع الكاميرات اغلبها برامج تعديل حق الصور بهالصيغه ، لاحظت شغله حلوة واللي اهي بعد ما اعدل عالصوره والوانها والحده حتى لو اقصها واسوي save اقدر بواسطة صيغة raw ارد الصوره مثل ما كانت بالاول بدون اي تعديل ، هالشي اللي حببني بهالصيغه صراحه

وتفضل مقاله جدا ممتازه بهذا الخصوص
http://lightfragrance.wordpress.com/2010/08/11/raw/

Bu Naser
29-02-2012, 01:14 AM
بارك الله فيك على التوضيح

alzeen_25
29-02-2012, 01:21 AM
اول مره اقرا مقال واضح عن الفرق بينهم وشي حلو بصراحه ولكن نفس ما قال الكاتب منو له خلق يعدل .. اذا تصوير ومالي خلق اصور شلون بعدل ههههههه

Taekwondo
29-02-2012, 01:25 AM
لوووووووووووول اي والله التعديل ياخذ وقت ، كل اللي اسويه شخصيا: وايت بلنس مع زيادة الاضاءه ساعات :) لكن هالصيغه تعتبر ميزه قوية جدا جدا خصوصا بالكاميرات الغاليه ، على سبيل المثال الكانون 5د مارك2 تصوريها بصيغة raw يعتبر قنبله

alzeen_25
29-02-2012, 01:28 AM
بو علي في واحد بالمنتدى الاجنبي دزلي مسج اسمه mayhem انت تعرفه او معطيه رقمي او شي ؟؟ مادري بروحه قالي تبي 7 دي مع باتري جرب وبدينا كلام

والحين ادزله ما يرد ههههه عنده عدسات قنابل شكلي باخذهم منه بس ما يبي يراعي بالسعر

Taekwondo
29-02-2012, 01:43 AM
لوووووووووووووووووووول اعرفه معرفه نت هذا ، لأ انت مو سمت العدسات اللي عنده ، اهو من زمان يبي يصرف الكانون 7د من جذي الظاهر فتح موضوعها معاك ، اخر مره كلمته كان موصيني على كانون 24-70 بعدها مادري عنه :) على فكرة ترى شغله نظيف من واقع تجربه شخصيه

alzeen_25
29-02-2012, 01:47 AM
لا قبل انا ماعرفه .. دزلي مسج على رقمي قالي عندي 7 دي لو تبيها سعرها كذا وكلمته شوي واليوم شفت العدسات وسمتهم ورديت دزيتله سعر عالعدسات والفلاش وال7 دي كلهم طقه وحده ... بس ما رد علي خبر مادري الناس شفيهم هاليومين ..

نفس الشي في شخص بالمنتدى عطيته بالعده مالته سعر خيال وما يبي يبيع عباله بقص عليه هههههههه



باجر لو ما كلمني على الي عطيته ياه بكلمه بقوله تبي تعال ما تبي كيفك مابي اعور راسي .. كل هذا لاني بجرب ال 50 مم الي ذابحتني والماكرو :d

Taekwondo
29-02-2012, 01:57 AM
لوووووووول بالتوفيق ان شاء الله ، الناس هاليومين يعرضون سلع ويتركون المزاد اسبوع اسبوعين لا حس ولا خبر ، يدش بعدها يقولك انباعت :)

slmawi
29-02-2012, 02:03 AM
الديوانية عندك غير .. لازم نسير عليها يوميا كذا مرة .. ونستفيد من المعلومات الطيبة شرواكم

عندي تجربتين لتصوير الـ portrait ومالي خبرة بهل نوع من التصوير بس رايكم ونتعلم اكيد من الاخطاء
http://farm8.staticflickr.com/7197/6793522350_29fed13b86_b.jpg

http://farm8.staticflickr.com/7038/6939634207_aa2ec26b45_b.jpg

وسؤال جم تسوى عدسة 70-200 is II مستعملة بالسوق هل ايام تقريبا ؟

راعي قومات
29-02-2012, 02:32 AM
قواك الله اخوي ، السعر صحيح اميه بالاميه ، ولكن ، الغير صحيح العدسه المرفقه :) السعر اللي تقوله حق الكانون 60د معاها عدسه 18-55 ، اليوم انا متصل فيهم ومتاكد ، سعر الكانون 60د مع عدسة 18-135 تقريبا 430 دينار

للتوضيح فقط لا غير :)

يعطيك العافيه بوعلى عل توضيح قواك الله

oofa_1985
29-02-2012, 02:57 AM
سلام شلونكم ان شاءالله بخير
بغيت اخذ رايكم بشغلة
بنت تبي تاخذ كاميرا كانون واهي توها مبتدئة فشنو نصيحتكم اي نوع تاخذ دام انها مبتدئة
وان شاءالله ماتقصرون

oofa_1985
29-02-2012, 02:58 AM
بنت = بنت عمي
تعديل

Taekwondo
29-02-2012, 08:46 AM
قواك الله اخوي سلماوي ، ما شاء الله خوش لقطات والادت عليها قوي j
بخصوص العدسه اللي تسأل عنها ، اخر مره شفتها معروضه كانت تقريبا 750 دينار ولكن معاها بعض الاشياء ، اكستندر اعتقد

اخوي راعي قومات ، الله يعافيك

الاخت اوفى ، وعليكم السلام ورحمة الله وبركاته حياج الله ، بخصوص سؤالج اعتقد جاوبنا عليه اكثر من مره بالديوانيه ، ما يمنع نرد نسأل مره ثانيه ،
شنو ميزانيتها ؟
تفضل شركة معينه على ثانيه ؟
مجربه كاميرات من قبل ؟
عارفه ان الكاميرات الاحترافيه اللي تتبدل عدساتها ثقيله نوعا ما وحجمها كبير ؟

oofa_1985
29-02-2012, 12:47 PM
ميزانتها تقول 200
مجربة كاميرات الديجيتال
اهي ودها بكانون او باناسونيك
اييي عنده فكرة

AlkhashabNawaf
29-02-2012, 05:31 PM
http://farm8.staticflickr.com/7060/6794267850_fae5b09527_z.jpg


صورت هالصورة اليوم الصبح بشاطئ انجفة

بس الشمس مابينت بسبب الغيوم

رقعت بالصورة وايد لين طلعتها بهالشكل

alzeen_25
29-02-2012, 07:44 PM
لو اقعد بانجفه 10 سنين مستحيل اتخيل انه ممكن اطلع صوره بهالحلاوه .. بس في نقطه مهمه وحلوه بما انك تصور للكويت

الصور الي تصورها بصوره عامه ما تعبر عن الكويت لانك ممو مطلع معالم تدل على انها الكويت . فالكل لما يشوفها فعلا بقول حلوه وماشاء الله ولكن هل هي بالكويت او لا اهني اللعبه .. لو انك مطلع صور بالكويت راح تكون الصور ذات جمال اكثر وتدل على حرفية بالتصوير ومزاج عالي لانه الكل يدري الكويت مافيها اماكن للتصوير وايد حلوه والجو اغلب وقته غبار وما يصلح للتصوير فلما اتصور صور حلوه بهالطريقه وتبين انه والله هالصوره بالكويت .. اهني الابداع على اصوله ( مع اني ادري انه مزاجك عالي بالتصوير وتصويرك رائع ) بس حبيت اقول هالكلمتين ممكن نشوف شي حلو مستقبلا


لا يوقف

bo_mubarak
29-02-2012, 08:05 PM
السلام عليكم ..... هاني اخوي اختلف معاك بهالنقطه ..... عاد ودي اختلف معاك من زمان ههههه ....شوف يالغالي موضوع اني اصور لاند سكيب ولا بحر وامواج او صحرا وبر منين احط شغله تثبت اني مصور بالكويت مثلا :) هني نتدخل فى مصداقية المصور نفسه مع احترامي لنواف وغيره من الشباب .... جذي جني اشكك بمصداقية المصور .... رقم اثنين وضحلي ولللاخوان شلون اقدر احط بالخلفيه شغله تحدد انا وين مصور ....

AlkhashabNawaf
29-02-2012, 08:39 PM
الصورة السابقة ما حسيت انها مثل ما ابيها

نفس ما قلت سابقا ان الشمس ما كانت واضحة ولا خط الافق مبين والسبب الغيوم

تم التعديل على الصورة مرة اخرى واضافة غيوم عشان تكون واضحة المعالم

http://farm8.staticflickr.com/7204/6941659359_9b9d91e685_z.jpg



يمكن تختلفون معاي او تتفقون ان هالصورة احلى من اللي قبل

بس يمكن اليوم اصلا الجو ماكان مساعدني لاني مثل ما قلت خط الافق ماكان مبين مثل المرات السابقة بسبب الغيوم الكثيفه

وايضا معالم الغيوم ماكانت واضحة اصلا

alzeen_25
29-02-2012, 08:41 PM
مم شكلك فهمتني غلط .. لانه انا ما قصدت انه اشكك ولا شككت بالمصداقيه خصوصا نواف اعرفه شخصيا واعرف وين ومتى وشلون يصور

انا قصدي انه لكل دوله جماليات ورموز ثابته نقدر نطلعها بالصور من خلال اللاندسكيب

بدال لا نصور صور مفتوحه الخلفيه وخط افق بدون معالم وتطلع الصوره مجرد صوره نقدر نصورها بلبنان وتايلند ودول اوروبيه وغيره من الدول

مثال على كلامي من تصوير المبدع المصور خالد المسعود

http://www.flickr.com/photos/khalid-almasoud/3054502144/in/photostream

http://www.flickr.com/photos/khalid-almasoud/6882815617/in/photostream

http://www.flickr.com/photos/khalid-almasoud/6166676981/in/photostream

وباقي الصور الي مصورها هم فيها من اللي ذكرته

بالنهايه انا ما قلت انه في تصويره شي غلط ولكن كنوع من التغير فقط لا غير


نرجع لمحور حديثنا .. انت ليش تبي تعارضني هههههههه

هي بالنهايه مجرد وجهات نظر ممكن تنقبل وممكن لا ولكن بنظل ربع وحبايب

alzeen_25
29-02-2012, 08:42 PM
اتفق معاك مليون بالميه انه الثانيه عجيييييبه جدا جدا مقارنه بالاولى

AlkhashabNawaf
29-02-2012, 08:45 PM
تسلم هاني حبيب قلبي

الحين يطلعلي يعقوبيان يقولي وين مصورها

يعقوبيان من الحين اقولك

بشاطئ انجفة :p

bo_mubarak
29-02-2012, 08:52 PM
اتفق معاك هاني ميه بالميه وكلامك صحيح بس اللي قصدته انه مو كل المواضيع تقدر تطبق عليها هالقاعدة .... كمثال هالصورة اللي نزلها نواف ..... الخلفيه بحر وموج وغيوم وهو مصورها من على اليال (السيف) يعني مخلي ظهره حق البر ووضع الصورة يتطلب هالوضع ... اعتقد ماعنده امكانيه انه يحط شي بالخلفيه او يظهر مباني او شي ثاني ..... هذا قصدى من هالكلام ووجهة نظر وانت حبيبي هاني ولا يهون احد من الشياب والشباب بالدوانيه ههههه

bo_mubarak
29-02-2012, 08:55 PM
نواف لعوزت يعقوبيان مخليه يلوحقك من مكان ل مكان هههههههه

ma7bob
29-02-2012, 10:59 PM
سلماوي خوش تصوير وبداية حلوة وحركات جميلة في الاضاءة - لا يوقف

تايلندي صور روعة ما شاء الله و الثانية احلى - لايوقف

مع تحياتي للجميع

Taekwondo
29-02-2012, 11:19 PM
ميزانتها تقول 200
مجربة كاميرات الديجيتال
اهي ودها بكانون او باناسونيك
اييي عنده فكرة

بهالسعر الخيارات كثيره ، عندها مثلا كانون 500د يديده مع عدسه 18-55 سعرها 159 دينار ، لكن اذا تفكر في باناسونك عندها g3 معاها عدستين حاليا 14-42 و 45-200مم سعرهم اعتقد 249 دينار ، هذا اللي يحضرني حاليا

تايلندي ما شاء الله خوش لقطات وتوقيت ممتاز

حي الله شباب الديوانيه ، بومبارك عاش من شاف مشاركاتك بعد غياب :)

barcelony
01-03-2012, 01:21 AM
شباب انا عندي 1100D

طبعا ولا مره مسكت كاميرا فا خذيتها من دبي كان عليها عرض مع ستاند وميموري 16 قيقا وعدسه 75-300

المهم :p كل ما اصور شي احس ماكو شي يديد جني قاعد اصور بتلفوني فا ياريت احد يفيدني باي شي

Taekwondo
01-03-2012, 01:26 AM
حياك الله اخوي برشلوني ، قاعد تقارن الصور على الكمبيوتر ولا شاشه التلفون او الكاميرا ؟ جرب صور نفس المنظر ونزل الصور عالكمبيوتر اتوقع راح تلاقي فرق ، الشغله الثانيه ممكن تحط جم صوره نشوف علشان نحكم

هذا اللي عندي حاليا وان شاء الله باقي الاخوان ما يقصرون معاك

النوم سلطان :)

AlkhashabNawaf
01-03-2012, 01:27 AM
برشلوني شنو نوع التصوير اللي تصوره؟

barcelony
01-03-2012, 01:38 AM
تسلم اخوي تايلندي

والله نزلت بس صورتين

وبالنسبه حق نوع التصوير لي الحين ماعرف بصراحه بالضبط شنو

على قولتهم اصور عالبركه

الحين احط جم صوره صورتها بالعيد الوطني

barcelony
01-03-2012, 02:17 AM
http://im25.gulfup.com/2012-03-01/1330559766701.jpg
هالصوره مادري شنو لوووول اصور وبس بصراحه :p

http://im25.gulfup.com/2012-03-01/1330559767342.jpg

http://im25.gulfup.com/2012-03-01/1330559769513.jpg
هاذي كل ما اشوفها عيني اتعورني :p


انا بكل صوره اغير وضع احاول اني اجرب كذا شي لي ما اتعلم

انا اللي ابي اتعلمه اهم شي صور الطبيعه

Loli-pop
01-03-2012, 02:50 AM
بزشلوني 2 صوره حلوه ترا واحلا مافيها انها اشنصا معاك ولو مصوور بره السياره تكون احلا وموفق

Bo youssif
01-03-2012, 10:23 AM
السلام عليكم

يعطيكم العافيه اخواني... وخواتي وعساكم عالقوه

بغيت استفسر يا خوان عن عدسه كانون Canon EF 35-350mm "L" f/3.5-5.6

( في احد عنده معلومه عنها كمزايا او عيوب؟)

او

( في احد جربها ؟)

(هل تنصحوني فيها؟)


لاني لاحظت انها شحيحه بالسوق يمكن لانها قديمه هذا مجرد تخمين

ارجو المشاركه بالرد والتصحيح ولاتحرمونا من خبراتكم... ومشوراتكم...

ومشكورين وماقصرتو مقدما

Bu Naser
01-03-2012, 01:35 PM
السلام عليكم

هلا بو يوسف
أنا من زمان تارك كانون والحين رجعت على الكانون على الديجيتال
بس ما مرت على هالعدسة
الظاهر إنها قديمة وتم إستبدالها بالعدسة
EF 28-300mm f/3.5-5.6L IS USM

لأنك لو تلاحظ هالموقع ذاكرين العدسات الزوم الحالية والعدسات اللي تم إيقافها تحت
لكن مو ذاكرين العدسة اللي أشرت لها مع إن صورتها موجودة عالنت عند بعض الأشخاص
http://www.the-digital-picture.com/Reviews/Canon-Zoom-Lens-Reviews.aspx

بالنسبة للعدسة اللي بدالها وهي
EF 28-300mm f/3.5-5.6L IS USM
ممتازة جدا تغنيك عن حمل عدة عدسات
لكنها ثقيلة وغالية في السعر
وصورها أحلى على الكاميرات الفل فريم مو كاميرات الكروب
على الكروب راح تصير كأنك تستخدم عدسة مداها
44.8-480 على الفل فريم
هذه المعلومات اللي أقدر أفيدك فيها
يمكن يفيدك أكثر اللي جربها وإستعملها

Bo youssif
01-03-2012, 02:28 PM
السلام عليكم

هلا بو يوسف
أنا من زمان تارك كانون والحين رجعت على الكانون على الديجيتال
بس ما مرت على هالعدسة
الظاهر إنها قديمة وتم إستبدالها بالعدسة
EF 28-300mm f/3.5-5.6L IS USM

لأنك لو تلاحظ هالموقع ذاكرين العدسات الزوم الحالية والعدسات اللي تم إيقافها تحت
لكن مو ذاكرين العدسة اللي أشرت لها مع إن صورتها موجودة عالنت عند بعض الأشخاص
http://www.the-digital-picture.com/Reviews/Canon-Zoom-Lens-Reviews.aspx

بالنسبة للعدسة اللي بدالها وهي
EF 28-300mm f/3.5-5.6L IS USM
ممتازة جدا تغنيك عن حمل عدة عدسات
لكنها ثقيلة وغالية في السعر
وصورها أحلى على الكاميرات الفل فريم مو كاميرات الكروب
على الكروب راح تصير كأنك تستخدم عدسة مداها
44.8-480 على الفل فريم
هذه المعلومات اللي أقدر أفيدك فيها
يمكن يفيدك أكثر اللي جربها وإستعملها






شاكرلك اخوي على ردك بس العدسه اللي ذكرتها EF 28-300mm f/3.5-5.6L IS USM

مداها مو نفس العدسه اللي ذكرتها بصراحه انا ببالي عدسه تكون للطيور وزومها يكون كبير شوي

ماقصر ولا خلى ولا عدم ياخوي

Bu Naser
01-03-2012, 02:30 PM
http://im25.gulfup.com/2012-03-01/1330559766701.jpg
هالصوره مادري شنو لوووول اصور وبس بصراحه :p


انا بكل صوره اغير وضع احاول اني اجرب كذا شي لي ما اتعلم

انا اللي ابي اتعلمه اهم شي صور الطبيعه

السلام عليكم

برشلوني هذه صورة تريك الشارع (لمبة الشارع )
شكلها كأنها راس ثعبان الكوبرا :smoking:

حاول تصور زوايا وتشوف من وين جاي الضوء من أي ناحية
راح تعرف هالأشياء مع مدة الإستخدام

موفق

Bu Naser
01-03-2012, 02:39 PM
سلماوي
تايلندي
خوش صور

بس أخوي نواف
بغيت أسألك سؤال
من المعروف إني لما بصور شخص أحط نقطة الفوكس على الوجه وبالتحديد العين
أنا ما صورت لاندسكيب
وين تحط نقطة الفوكس لما تصور لاندسكيب؟
على خط الأفق ؟ ولا البحر ؟ ولا الصخر اللي بالبحر ؟

يعني على

Bu Naser
01-03-2012, 02:40 PM
يعني على شنو تكون نقطة الفوكس ؟

Bu Naser
01-03-2012, 02:50 PM
هلا بو يوسف
العدسات الدارج إستخدامها للطيور وتكون سعرها مو فوق الغالي هي
EF 100-400mm f/4.5-5.6L IS USM
EF 400mm f/5.6L USM
الأولى زوم ممتازة جدا بس لاحظت من إستعمالي لنسخة منها إنها على الأربعمية ما تكون حادة
وحلو إن فيها مانع إهتزاز
الثانية مو زوم تكون عدسة برايم ما فيها مانع إهتزاز
لكن حادة يعتمد تصويرها على إختيار سرعة الشتر اللي تمنع تصوير صور مهزوزة
بس الإثنين يمدحونهم لتصوير الطيور والإثنين يركب عليهم إكستندر الكانون اللي يزيد من مدى العدسة
أما العدسة الثلاثمية الزوم الجديدة اللي بدال القديمة ما يتوافق معاها إكستندر كانون

Bu Naser
01-03-2012, 03:42 PM
نقطة ثانية أخوي بو يوسف

بالنسبة لتصوير الطيور
مو شرط الواحد يكلف نفسه بشراء عدسات غالية أو عدسات مداها كبير
ممكن أصور صور جدا جميلة بالعدسة الرخيصة
EF-S 55-250mm f/4-5.6 IS II
شلون ؟
تصوير الطيور يبيلها شوية صبر
يبيلها شلون تتعود إنك تقدر تقرب أقرب مسافة من الطيور من غير ما تزعجها
أو تستخدم لك مخابيء أو تغطي نفسك بأشباك بحيث تكون في المكان اللي تطب فيه الطيور وتصورها من غير ما تحس في وجودك

أجيب لك مثال بسيط
أنا كل يوم أشوف حمامه في البلكونه عندي بالبيت
كل ما أبي أصورها من خلف الزجاج تشوفني تنحاش
قمت أجيلها في وقت الفجر وقت شروق الشمس تكون دايخة
قامت تشوفني وتخاف تبي النحشة
لكن ما قربت منها
وكل يوم نفس الطريقة
لحد ما قمت أصورها من غير ما تخاف لدرجة إني ألزق بزجاج الباب للبلكونة ولا تنحاش
يعني المسألة يبيلها شوية صبر وطريقة للتعامل مع الطيور بدون ما تزعجها

إن شاء الله وصلت الفكرة

موفق

Bu Naser
01-03-2012, 04:43 PM
السلام عليكم

الفايف دي ثري هل راح تكون مع العدسة الجديدة ؟
Canon EOS 5D Mark III with 24-70 II Kit

http://www.photoprice.ca/product/03869/Canon-EOS-5D-Mark-III-with-24-70-II-Kit-price.html

Taekwondo
01-03-2012, 08:15 PM
قواكم الله ربع الديوانيه شخباركم ، عندي عدسه كانون شريتها مستعمله ولكن نظيفه جدا جدا جدا بقراطيسها وكرتونها واحتمال الله العالم فيها كفاله لكن بدون فاتوره لكن الله يخلي السيريل نمبر ، للعلم شريتها من احد الاخوان بالمنتدى كنت محتاجها لغرض معين وخلصت منها ، مالها لزمه عندي

العدسه الموضحه بالصوره

http://up.***********/Feb12/JWP25511.jpg


اللي في باله سعر معين يعطيني خبر سواء بمسج او رساله بالمنتدى ، قبل لا انزلها المزاد

AlkhashabNawaf
01-03-2012, 10:26 PM
الله يوفقك يا بوعلي في بيعتها انشالله

صورة تجريبية عالسريع لكاميرة كانون s100 اللي شيشني عليها بو ناصر وطلبتها لوووول


http://up.***********/Feb12/ARN33364.jpg



استخدمت فيها المانيوال فوكس

Taekwondo
01-03-2012, 10:36 PM
اجمعين ان شاء الله حجي ما قصرت ، خوش صوره ما شاء الله مقارنة مع حجمها الصغير ، الكاميرات اللي فيها تحكم مانيول وتصوير raw غالبا نتايجهم ممتازه

Bo youssif
01-03-2012, 10:48 PM
نقطة ثانية أخوي بو يوسف

بالنسبة لتصوير الطيور
مو شرط الواحد يكلف نفسه بشراء عدسات غالية أو عدسات مداها كبير
ممكن أصور صور جدا جميلة بالعدسة الرخيصة
ef-s 55-250mm f/4-5.6 is ii
شلون ؟
تصوير الطيور يبيلها شوية صبر
يبيلها شلون تتعود إنك تقدر تقرب أقرب مسافة من الطيور من غير ما تزعجها
أو تستخدم لك مخابيء أو تغطي نفسك بأشباك بحيث تكون في المكان اللي تطب فيه الطيور وتصورها من غير ما تحس في وجودك

أجيب لك مثال بسيط
أنا كل يوم أشوف حمامه في البلكونه عندي بالبيت
كل ما أبي أصورها من خلف الزجاج تشوفني تنحاش
قمت أجيلها في وقت الفجر وقت شروق الشمس تكون دايخة
قامت تشوفني وتخاف تبي النحشة
لكن ما قربت منها
وكل يوم نفس الطريقة
لحد ما قمت أصورها من غير ما تخاف لدرجة إني ألزق بزجاج الباب للبلكونة ولا تنحاش
يعني المسألة يبيلها شوية صبر وطريقة للتعامل مع الطيور بدون ما تزعجها

إن شاء الله وصلت الفكرة

موفق



جزاك الله خير ياخوي شرحك شامل ووافي ورايتك بيضه وعساك عالقوه

Bu Naser
02-03-2012, 12:21 AM
السلام عليكم

ويجزاك كل خير يا بو يوسف

مبروك عالكاميرا الجديدة أخوي نواف
كنت عند كانون وشافها أخوي وقالي : إي هاذي الكاميرا السنعة
بيع كل أغراضك اللي تقول حاط لك جنطة جاكليت وحلاو مشكل :smoking:
إشتبي بعد كاميرا صغيرة وتصور لك فيديو حلو
قلت له أنا صح بتخلص من الثقيل
بس ناوي على البناسونك وأغراضها -:rolleyes:

أخوي بوعلي
الله يوفقك في بيعة العدسة
قبل شوي سمت عدسة مثلها بالمزاد ولغيت السومة لما تذكرت إني راح أشتري البناسونك
جزاك الله خير اللي فكرت فينا بالديوانية قبل ما تعرضها بالمزاد
مو مثل بعض الناس
بسرعة بسرعة باعوا عدستهم بالمزاد من غير ما ندري عشان يشترون كاميرا صغيرة
:clap2:

AlkhashabNawaf
02-03-2012, 12:30 AM
هههههههههههههههههههههه بوناصر والله ضحكتني

انا بعت العدسة والله ويعلم الله اني يتني الفكرة بسرعة وعلى طول عرضتها والموضوع ما خذا ساعه ودق علي واحد وقالي يايك وخذاها على طول

حاضر يا بوناصر اذا عندي شي ببيعه انت اول واحد بقولك

حاضرين طال عمرك :)

Bu Naser
02-03-2012, 12:33 AM
تسلم أخوي نواف
أدري إنك ما تقصر
بارك الله فيك

AlkhashabNawaf
02-03-2012, 12:36 AM
تستاهل يا بوناصر
وانت وبوحمد اخواني الكبار اكيد بحتاجكم بأي مساعده واكيد ماراح تقصرون ولا قصورا بباجي الشباب

بس تعال صج بو ناصر انت اللي كلمتني مرة على العدسة الماكرو 60 ?? لأن في اثنين بوناصر هني


بوعلي
مو مشكك بكلامك بس اشتغربت لقيت باليوتيوب عدسة 100-400 راكب عليها اكستندر 2x
استغربت مادري يمكن الاصدار الثاني اهو اللي يركب ولا الثالث؟ لأن اعتقد في ثلاث اصدارات عدل؟

هذا الفيديو
http://www.youtube.com/watch?v=mG7FjNKvaZc

Bu Naser
02-03-2012, 12:48 AM
هلا أخوي نواف
إي أنا اللي كلمتك على العدسة الماكرو 60
بس كلمني قبلها واحد يقول عنده العدسة من الوكيل ولما إتفقت معاه إني اشوفها ما رد علي وحسيت إنه باعها أو غير رأيه
وما حبيت أكلمك مرة ثانية وأزعجك -:rolleyes:
ورحت شريت وحدة جديدة

Taekwondo
02-03-2012, 12:49 AM
تسلم بوناصر وموفق خير ان شاء الله مع الباناسونك اذا عزمت :)

حجي نواف ، الاكستندر يركب على الكانون 100-400 ولكن على حسب الجدول المرفق ممكن وليس اكيد الاوتو فوكس يشتغل وايضا ال is :)
http://en.wikipedia.org/wiki/Canon_Extender_EF#List_of_compatible_EF_lenses

Bu Naser
02-03-2012, 12:54 AM
العدسة
EF 100-400mm f/4.5-5.6L IS USM
تتوافق مع إكستندر كانون النوعين الصغير والكبير
إنزل بالصفحة المذكورة من كانون وتشوفه مع الملحقات للعدسة
http://usa.canon.com/cusa/consumer/products/cameras/ef_lens_lineup/ef_100_400mm_f_4_5_5_6l_is_usm#SuppliesAndAccessor ies

Bu Naser
02-03-2012, 12:58 AM
بس اللي سمعته وشفته من ناس ومن بعض المواقع الأجنبية
إن الفوكس يكون مانيوال مو من العدسة ولا الإكستندر
من بودي الكاميرا
لأن البودي الوحيد اللي يخللي العدسة مع الإكستندر يشتغل مضبوط
هي الكاميرا
EOS-1Ds

AlkhashabNawaf
02-03-2012, 01:00 AM
حبيب يا بوناصر وعاش من سمع هالصوت


بوعلي
انزين بس يمكن بالاصدار الثالث عدلو هالشغلة؟
ندور بالنت ونشوف
ومع الايام بنعرف

Taekwondo
02-03-2012, 01:01 AM
التجربه افضل حل :) هذا اللي انا اقوله ، اهو يركب ولكن هل الفوكس اوتو ؟ هل مقلل الاهتزاز شغال ؟ الله اعلم ما جربت

Taekwondo
02-03-2012, 01:02 AM
ما يندرى حجي ، على فكرة الاصدار الثالث اعتقد موجود عند واحد من الشباب كان عارضه للبيع

AlkhashabNawaf
02-03-2012, 01:05 AM
اي بوعلي شفته وكان يبي يبيعه ب80 دينار وانا اسوي بحث لقيته
واحد سأله يشتغل الاوتو فوكس على ال 100-400
قاله اي يشتغل

بس استغربت ليش يبي فيه 80 دينار

Bu Naser
02-03-2012, 01:09 AM
السلام عليكم

أعتقد والله أعلم حسب ما قريت إن العدسة
EF 100-400mm f/4.5-5.6L IS USM
إصدار واحد فقط من سنة 1998
عدسة قديمة والفوكس فيها قديم

وسمعت إن راح ينزل منها إصدار جديد بس مختلف في المدى الأول وييجي معاها الإكستندر الصغير منها وفيها
Canon EF 200-400mm f/4 L IS USM Extender 1.4x
http://www.the-digital-picture.com/Reviews/Canon-EF-200-400mm-f-4-L-IS-USM-Extender-1.4x-Lens-Review.aspx

alzeen_25
02-03-2012, 01:54 AM
واخيرا طلعت الكاميرا من المخبأ مالها وصورت جم صوره وطلعت بهالنتيجه من الصور اغلبها فيها تكرار

التعديل بسيط جدا مو بالالوان ولا بالوضوح ولا بالحده .. تعديل فقط في تنقيح الصوره ( تنظيف البشره )

http://im16.gulfup.com/2012-03-02/1330645966441.jpg

ان شاء الله تعجبكم ..

slmawi
02-03-2012, 02:47 AM
فيديو عن التصوير الليلي وثائقي عجيب وفيه افكار حلوة
http://www.youtube.com/watch?v=R_ub72GnEVQ
مشاهدة ممتعة :)

Bu Naser
02-03-2012, 10:06 AM
السلام عليكم

خبر جديد

تم نزول الكاميرا كانون فايف دي ثري بالمواصفات المذكورة بالموقع أدناه

http://www.canon-asia.com/mastercraftsman/

Bu Naser
02-03-2012, 10:14 AM
مواصفات الفايف دي ثري

http://www.usa.canon.com/cusa/professional/products/professional_cameras/digital_slr_cameras/eos_5d_mark_iii

نماذج فيديو وصور للكاميرا المذكورة

http://web.canon.jp/imaging/eosd/samples/eos5dmk3/

Bu Naser
02-03-2012, 10:29 AM
الفايف دي ثري على موقع أمازون

بودي

http://www.amazon.com/Canon-Mark-Frame-Digital-Camera/dp/B007FGYZFI/ref=br_lf_m_1000775751_1_1_ttl?ie=UTF8&m=ATVPDKIKX0DER&s=photo&pf_rd_p=1348708662&pf_rd_s=center-3&pf_rd_t=1401&pf_rd_i=1000775751&pf_rd_m=ATVPDKIKX0DER&pf_rd_r=1ECEYKZKR4H4M0MW5GY6

بودي مع عدسة

http://www.amazon.com/Canon-Frame-Digital-Camera-24-105mm/dp/B007FGZ1V0/ref=br_lf_m_1000775751_1_2_ttl?ie=UTF8&m=ATVPDKIKX0DER&s=photo&pf_rd_p=1348708662&pf_rd_s=center-3&pf_rd_t=1401&pf_rd_i=1000775751&pf_rd_m=ATVPDKIKX0DER&pf_rd_r=1ECEYKZKR4H4M0MW5GY6

Bu Naser
02-03-2012, 10:33 AM
السلام عليكم

هلا أخوي الزين

تصوير السفن دي أحلى من تصوير النيكون
لأني شفت مرة صورة إنت مصورها بالنيكون هم حلوة لكن ألوان الكانون أحلى

Bu Naser
02-03-2012, 10:53 AM
الفايف دي ثري على اليوتيوب

http://www.youtube.com/watch?v=9XgAgGoPZo8

e m i n e m
02-03-2012, 12:53 PM
مبروك عليكم الفايف دي وانا في انتظار السفن دي

alzeen_25
02-03-2012, 01:03 PM
بو ناصر الظروف كانت وقتها مختلفه .. الاضاءه والعدسه

هناك كان المكان فيه ظل وكنت محتاج اضاءه فالايزو انرفع بروحه .. اهني كانت الشمس سيدا على الويه ولكن الغبار كان مساعد في توزيع الاضاءه بطريقه ناعمه

العدسه 24-70 الي هناك كانت 18-105 فرق كبير جدا

ولكن حتصوير الكاميرا النيكون افضل من ناحيه الحده

انا وقتها ما كنت مصور عدل وكنت معدل عالصوره .. الحين التصوير بمزاج وكان في وقت

المهم هذا الي طلع

واهم شي انه الصوره عاجبتك :p

Bu Naser
02-03-2012, 01:53 PM
مبروك عليكم الفايف دي وانا في انتظار السفن دي

الله يبارك فيك

هل راح تنزل سفن دي جديدة بعد ؟

إذا راح تنزل راح تلاقي المزاد متروس بيع سفن دي وفايف دي تو :read:

Bo youssif
02-03-2012, 06:06 PM
السلام عليكم ويعطيكم العافيه


أنا بصراحه محتار بين عدستين الرجاء من الاخوان من اصحاب الخبره للمشاركه وتبادل الآراء


العدسه الاولى



Sigma 50-500 f/4.5-6.3 OS HSM

العدسه الثانيه.


Canon 100-400)



ومشكورين

Taekwondo
02-03-2012, 06:15 PM
الزين ، يعطيك العافيه حجي ما شاء الله صوره ممتازه ، ملاحظتي بسيطه جدا وما تأثر على الصوره بس حبيت اذكرها: الرأس من فوق مقصوص :)

بوناصر ، هالشركات ما وراهم الا الخساير ، وصدقني لو كل واحد منا يجابل الكاميرا اللي بيده راح يطلع بنتايج رهيبه ، الشتر اكاونت ما يعدي 2000 صوره يخلونك تفكر تبيع كاميرتك وتشتري ثانيه :)

بويوسف حياك الله اخوي ، بما ان هالعدستين ماجربتهم شخصيا ، اعتذر ما افيدك بالموضوع ، ان شاء الله اللي جربوهم يفيدونك :)

ma7bob
02-03-2012, 09:47 PM
السلام عليكم ،،، حبيت اتشوفون هل صورة من كاميرا بوينت شوت DMC-ZS7

يذكرني بكلام اخونا الزين : المهم خبرة المصور وليست الكاميرا

- الصورة بدون تعديل

http://farm6.staticflickr.com/5286/5281848435_8d0b0f2125_b.jpg

Bu Naser
02-03-2012, 10:24 PM
وعليكم السلام أخوي بوحمد

صورة جدا جميلة :clap2:

Bu Naser
02-03-2012, 10:35 PM
وعليكم السلام أخوي بو يوسف

بالنسبة للسيجما ما جربتها
وما أدري ليش ما أحب شكلها لما تركب عالكانون

بالنسبة العدسة الكانون مية أربعمية طبعا أفضل من السيجما في حدة الصورة

e m i n e m
02-03-2012, 10:54 PM
الله يبارك فيك

هل راح تنزل سفن دي جديدة بعد ؟

إذا راح تنزل راح تلاقي المزاد متروس بيع سفن دي وفايف دي تو :read:

راح تنزل ان شاء الله وانا واحد طالبها من اول ماتنزل باذن الله

e m i n e m
02-03-2012, 11:00 PM
السلام عليكم ويعطيكم العافيه


أنا بصراحه محتار بين عدستين الرجاء من الاخوان من اصحاب الخبره للمشاركه وتبادل الآراء


العدسه الاولى



Sigma 50-500 f/4.5-6.3 OS HSM

العدسه الثانيه.


Canon 100-400)



ومشكورين


انا انصحك في 100-400
عدسه قويه ونتايجها حلوه وعزلها حلو وكل شي

وهذه نتايج من تصويري بهل عدسه

http://farm6.staticflickr.com/5025/5678819973_55b795a7e6_z.jpg (http://www.flickr.com/photos/q8-mc/5678819973/)
Free Fly (http://www.flickr.com/photos/q8-mc/5678819973/) by q8-mc (http://www.flickr.com/people/q8-mc/), on Flickr

http://farm3.staticflickr.com/2305/5749106571_54fe7f4f09_z.jpg (http://www.flickr.com/photos/q8-mc/5749106571/)
On The Floor (http://www.flickr.com/photos/q8-mc/5749106571/) by q8-mc (http://www.flickr.com/people/q8-mc/), on Flickr

e m i n e m
02-03-2012, 11:01 PM
السلام عليكم ،،، حبيت اتشوفون هل صورة من كاميرا بوينت شوت dmc-zs7

يذكرني بكلام اخونا الزين : المهم خبرة المصور وليست الكاميرا

- الصورة بدون تعديل

http://farm6.staticflickr.com/5286/5281848435_8d0b0f2125_b.jpg


مشاء الله صوره جميله وصافيه حلاته معدل عليها شويه

AlkhashabNawaf
02-03-2012, 11:23 PM
بوحمد قواك الله يالعود
صورة جبارة من شخص فنان

لو معدل عليها بالالوان صدقني بتكون احلى و لو ان الصورة ايضا جميلة تسلم ايدك طال عمرك

ايمينيم جم سعر السفن دي؟ تقصد المارك تو؟

انا واحد احتمال ابدل كامرتي بالسفن دي
وما اشوف نفسي متحمس حق الفايف دي مارك ثري مادري اشوف مافيها زود على اللي عندي

عموما

صورة صورتها قبل فترة بالدوحة وسبق اني عرضت صورة من نفس المكان
بس الحين بزاوية مختلفة

http://farm8.staticflickr.com/7054/6947229405_feb8c0e341_z.jpg


يا جماعة ترى المكان وايد حلو هناك
الكلام حق شيابنا بالذات بو حمد و بوناصر المكان ما يتطوف
وعلى فكرى وايد تصير ورشات هناك ورحلات تصوير من النادي العلمي او مركز العمل التطوعي

ومكان واسع وراح تحتار من اي زاوية تصور

AlkhashabNawaf
02-03-2012, 11:26 PM
اي صج بو حمد
سؤال فني
لاحظت ان في كاميرات باور شوت و بوينت شوت
شنو الفرق بينهم؟

وشنو افضل من ناحية جودة الصورة هل كانون g1x او Leica D-LUX 5
وايضا من ناحية المواصفات اي وحدة احسن؟

Bu Naser
02-03-2012, 11:53 PM
السلام عليكم

هلا أخوي نواف

الصورة جميلة ومنظر الشمس من بين الغيوم منظر جميل
إي صحيح المكان مغري
بس وين الواحد يقدر يحك شعر راسه من المسؤوليات

أنا الحين متقاعد وإفتكيت من الشغل
طلع لي شغل البيت والعيال وما نخلص
الله المستعان

e m i n e m
03-03-2012, 12:01 AM
اي الي اقصده ال7دي مارك 2 ناطرها تنزل

AlkhashabNawaf
03-03-2012, 12:12 AM
الله يعطيك العافيه بو ناصر ويعينك على المسؤولية

alzeen_25
03-03-2012, 12:26 AM
بو علي على فكره قصه الراس متعمده وعاديه ووايد يسونها بالتصوير علشان تعبي كادر الصوره

بعدين ليش علقت على راسه مو على ايده اليمين والشمال :p

صورت جم صوره نفس ما قلت ما عجبوني وايد بس بحط جم صوره ثانيه بنفس المكان

ma7bob
03-03-2012, 12:29 AM
السلام عليكم ،،،

يا جماعة اعتذر منكم الصورة الي حاطة لكم ليست من تصويري بس عجبتني وحبيت اتشوفونها،،، لان مصورة بكاميرا صغيرة ذات سنسور صغير ،،،

تايلندي البورشوت اسم ماركة للكانون الكاميرات الصغيرة ،،،

البوينت شوت هي الكاميرات الصغيرة بشكل عام يعني وجة ثم صور

Taekwondo
03-03-2012, 12:49 AM
بو علي على فكره قصه الراس متعمده وعاديه ووايد يسونها بالتصوير علشان تعبي كادر الصوره

بعدين ليش علقت على راسه مو على ايده اليمين والشمال :p

صورت جم صوره نفس ما قلت ما عجبوني وايد بس بحط جم صوره ثانيه بنفس المكان


الله يسلمك لأن بتصوير البورتريه ، بالنسبه لي شخصيا ، يمكن مو قاعده عامه ، اهم شي الوجه :)

Taekwondo
03-03-2012, 12:51 AM
تايلندي ، ما شاء الله حجي خوش صوره ، دامك على قولتهم طابج مع اللاندسكيب ، عندك مكانين مادري رحت لهم ولا لأ ، المنطقة الحره بالشويخ ، ايضا عندك صوب مستشفى الولاده خوش مكان هناك صوب البحر :)

حياك الله بوحمد ، ما شاء الله خوش صوره ، هالكاميرات الصغيره يبيلها اللي يتعبث فيها تعطيك نتايج طيبه

ma7bob
03-03-2012, 01:06 AM
بالنسبة لجودة الصورة كلمة تحتاج اكثر من تفسير

بالنسبة لجودة و وضوح الصورة بشكل عام وشامل يعتمد على عدة اشياء

A- جودة ثقل الصورة Pixel Density
يعتمد على حجم السنسور مقارن بعدد الميجا بكسل
1 - الكاميرات الصغيرة - بوينت شوت اقل جودة بثقل الصورة
- وكل ما زاد عدد الميجا بكسل صارت اقل جودة وزاد الدنستي
2- كاميرات بوينت شوت فئة عاليه مثل Canon g12 - LX5 - Fuji X10 - nikon P7100
تكون افضل شوي بجودة ثقل الصورة لانه السنسور اكبر والبكسل اقل
3-كاميرات ميكرو 4 ثيرد افضل بجودة ثقل الصورة لانه السنسور اكبر - Lumix G2
4 - كامرات بسنسر حجم APS-C افضل بجودة ثقل الصورة لانه السنسور اكبر مثل - canon 550d - nikon D90- Samsung NX10
5- كاميرا بسنسر حجم الفل فريم افضل بجودة ثقل الصورة لانه السنسور اكبر مثل - Canon 5d II
6 - كاميرات بسنسر حجم مديم فورمات مثل هازل بليد

افضل جودة بثقل الصورة رقم 6 بعدين رقم 5 وانت نازل الى رقم 1 يكون اقل جودة ،،

B- جودة العدسة وضوحها و اداها
C- جودة البروسس الموجود داخل الكاميرا - او استخدام صيغة راو RAW
d- جودة الكاميرا و اداها وسرعتها

هذا باختصار

ma7bob
03-03-2012, 01:17 AM
تايلندي بالنسبة للمقارنة بين lieca Dlux 5 - Canon g1x

الكانون G1x سنسرها اكبر وثقل الصورة افضل

lieca Dlux 5 هي نفس الكاميرا باناسونيك lumix LX5 بس مصنع غير

انا شفت صور الكانون G1x بس ما عجبتني يمكن العدسة مو ذاك الزود

بالنسبة للكاميرات الصغيرة اهم شي العدسة تكون جيدة لان ما تتغير ولا تتبدل

AlkhashabNawaf
03-03-2012, 01:20 AM
مستشفى الولادة رحت هناك صوب الصدري

المنطقة الحرة في نية ان شاء الله عن قريب بس خل يروح الغبار

Taekwondo
03-03-2012, 01:24 AM
الزين يعطيك العافيه حجي ، كلامك صحيح بخصوص الكادر ، دورت عندي بالكمبيوتر جم صوره بورتريه حق عيالي ، لقيت نص الوجه مو بالصوره ولكن ايضا حلوة :) نستفيد منكم

ما شاء الله حجي محبوب ملخص حلو ، ما نستغني عن خبراتكم :)

تايلندي ، بهالجو ماكو الا تصوير ماكرو او بورتريه داخل البيت بعد شنسوي

alzeen_25
03-03-2012, 01:32 AM
شباب يبيله ناخذلها محل او استيديو ونجهزه حق تصوير ونحط موظف هناك يصور ونمشي الامور .. ومنه نصير نطقطق هناك شرايكم :p

Taekwondo
03-03-2012, 01:36 AM
والله فكره حلوة الزين ، الكاميرات موجوده ، تحتاج المكان والطابعات وديكور خفيف وبعض معدات الاضاءه ، خوش مشروع

alzeen_25
03-03-2012, 01:39 AM
انا والله مفكر بالموضوع ولكن مشروعي مو بس استيديو فقط انه لتصوير الاشخاص .. ابي شي مختلف وطبعا راح يكلف وايد بس شغل ابداعي لابعد الحدود ..

بس يبيله شوية وقت وبتلقى محل اسمه H and more photography بالديره :P

AlkhashabNawaf
03-03-2012, 02:02 AM
تسلم بوحمد على الشرح وماقصرت قواك الله

AlkhashabNawaf
03-03-2012, 08:15 PM
ياجماعة سؤال فني

هل الميموري يأثر على الصور؟

يعني قاعد اشوف صور بفلكر صااااافية جدا جدا ونقية لابعد الحدود من مصورين اجانب

ومو مأثرة على الحدة

هل سرعة الميموري تأثر؟ او نوع الميموري؟

Taekwondo
03-03-2012, 09:05 PM
حجي ما اعتقد الميموري يأثر على الصور ، فقط له تأثير من حيث سرعة نقل الصور

Bu Naser
03-03-2012, 09:42 PM
السلام عليكم

هلا أخوي نواف

اللي أعرفه إن أغلب العدسات اللي فتحتها 2.8 تكون حادة وخاصة عدسات الماكرو تكون حادة جدا
بالنسبة للميموري ما أعتقد لها دور في هذا الموضوع
ممكن تكون الفلاتر تؤثر على حدة الصورة
تلقى بعض المصورين يستغنون عن تركيب الفلتر
وأكثر من هذا
تراهم يستعملون برامج لتحسين الصورة وحدتها وتفاصيلها
إنت لو تطلب من المصور اللي حاط صورته الديجيتال اللي تكون ألوانها حادة وحلوة
إطلب إنه يحط الأصل قبل التعديل
تلاقيها تختلف بالمرة
كأنها ورقة جريدة صمونة فلافل وفول هههههههههه

بغيت اسألك أخوي نواف
إذا بغيت اشتري من الموقع اللي إنت تشتري منه
هل لازم أكون مسجل بموقع ال ups
علشان أتابع التراك نمبر ( رقم الشحنة ) ولا مو لازم ؟

تحياتي

NIKONQ8
04-03-2012, 01:48 AM
اسمحولي انضم اليكم هنا :)

AlkhashabNawaf
04-03-2012, 04:30 AM
تسلم بو علي

بوناصر لا مو لازم تكون مسجل عندهم

كل ما عليك انك تحط عنوانك و اول شي تسوي اكاونت بايميلك وبس

واول ما تطلب يوصلك ايميل بطلبيتك وعقب ما يشحنون طلبك اعتقد بعد يوم كامل راح يدزولك ايميل يقولون ان طلبك shipped ومن هالايميل يعطونك رقم التراكينغ وتشوف بضاعتك وين راحت وكلها طيارات ورا بعض تكون بدايتا من نيويورك وبعدين فيلاديلفيا وبعدين تروح مدينة كولن بالمانيا وبعدين دبي وبعدين الكويت

AlkhashabNawaf
04-03-2012, 04:33 AM
اخوي نيكون حياك الله باي وقت واحنا هني اخوانك نفيد ونستفيد طال عمرك
هذي الساعه المباركة

Q8iphoney
04-03-2012, 04:57 AM
محترفين ال Nikon مساعده لو سمحتوا

السلام عليكم ورحمه الله وبركاته
كيف حالكم اخواني

بغيت استفسر منكم اخواني خبراء النايكون ولا قصور بالباقي عندي ٣ استفسارات


الاول

شباب انا املك Nikon d200 وخبرتي بمجال التصوير ليست كبيره فحبيت انكم تساعدني ولا تقصرون معاي وللامانه بجميع استفساراتي ما قصرتوا معي بيض الله وجييهكم

شباب انا عندي استيديو تصوير عباره عن خيمه زي هذي مقاس ١٢٠ سم

http://www.freeimagehosting.net/t/cbrjm.jpg

وعندي الاضاءه هذي بالضبط

http://www.freeimagehosting.net/t/8hz37.jpg


وعندي مجسم او لعبه طولها ٣٠ سم ابي شكلها او طولها يطلع كامل بالصوره نفس الصوره هذي

http://www.freeimagehosting.net/t/1hiuj.jpg

فهمتوا قصدي؟؟؟ انا ابي المجسم اللي عندي طوله ٣٠ سم ابيه يكون كامل زي اللي بالصوره اللي بالصوره حجمه صغير انا اللي عندي يختلف ياريت تقولون لي شنو افضل الاعدادات بالكاميره وشنو افضل عدسه لتصوير هل اشياء وكم تكون المسافه بيني وبين الاستيديو عالشان تطلع اللقطه بهل وضوح ؟؟؟



الاستفسار الثاني

تصوير المنتجات الصغيره زي هل صوره

http://www.freeimagehosting.net/t/zar5e.jpg

شنو افضل الاعدادات لالتقاط صور حلوه والعدسه ايهم افضل لتصوير مثل هل منتجات؟


الاستفسار الثالث والاخير هل حركه

http://www.freeimagehosting.net/t/tpr9b.jpg

الاضاءه الملونه شنو افضل عدسه لاستخدامها وشنو افضل الاعدادات بالكاميرا ؟ وكم لازم تكون المسافه بين الخلفيه اللي فيها لمبات ملونه وبين الاكواب ؟؟؟

اسف اني ثقلت بالاستفسارات ولكن احتاجهم وشكرا لكم مقدما وانتظر المساعده

slmawi
04-03-2012, 05:16 AM
اخوي التايلندي امس قريت عن الفلتر وتاثيره من ناحية جودة الفلتر اعتقد في شركات غنية عن التعريف وتبيع فلاتر بدرجات مثل hoyo hd وpro وكل واحد جودة تصنيعه تختلف

بما انك تستخدم فلتر المتدرج ببعض صورك .. اذا نوعيته ممتازة وله تجارب جيده من مستخدمينه (تقدر تسوي سيرج) استبعد الفلتر له علاقة بالسبب

هذا الفلتر الي قريت عنه امس دورت با history

http://www.arabiclenses.com/showthread.php?t=18113

AlkhashabNawaf
04-03-2012, 05:44 AM
اخوي سلماوي القصة مو قصة فلتر

انا قصدي الميموري بس هل يأثر على الصورة

انا الفلاتر اللي عندي من احسن انواع الفلاتر
فلاتر lee
الماركة معروفة وسعرهم مو رخيص

Bo youssif
04-03-2012, 08:19 AM
يعطيكم العافيه اخواني

عندي سؤال بخصوص الاكستندر 1.4 او 2 للكانون هل ينفع لغير عدسات كانون يعني مثلا سيجما تامرون وغيرها من العدسات ؟

هل تركب على العدسات الشامله مثال سيجما 18-200 او 18-250 او تامرون 18-270 وغيرها

ومشكورين

Q8iphoney
04-03-2012, 09:08 AM
سحبتوا علي :)

slmawi
04-03-2012, 10:33 AM
لا اخوي التايلندي مايأثر نهائيا .. لانه ذاكرة تعتمد على روم اهو الي يستقبل بيانات ذاكرة صلبة فمايحوشها خلل بالنقل واساسا اي خلل بالنقل الصورة ماراح تشتغل لانه في نقص بالبيانات وراح يصير عطب

من واقع تجربة تكثر من 10 سنين خبرة كمبيوتر اكدلك انه ماله علاقة نهائيا بتاتاََ

اذا تصور بالjpg له علاقة مع التعديل بس اعتقد انك تصور ب raw فماله علاقة بالتاثير حتى لو عدلت بالايت روم اوفوتوشوب

وشفت صور لك ماشفت اي مشكلة تذكر يمكن موسوس .. او صج عندك مشكلة وانت ملاحظها لانه احنى نشوفها مصغره فمايبين عندنا

alzeen_25
04-03-2012, 11:23 AM
اخوي q8iphoney

يا معود ماحد سحب عليك بس يمكن الاخوان ما عندهم خبره بهالتصوير علشان جذي ماحب يبي يفتي من عنده بدون علم علشان لا تتخربط

بالنسبه لسؤالك الاول والثاني نفس الشي ما يختلف


والاجابه تعتمد على تجربتك اولا والزاويه الي بتختارها وثانيه على قوه الاضاءه الي تستخدمها .. ماقدر اقولك استعمل فتحت عدسه 9 مثلا علشان الحده تطلع اوكي والاضاءه مالتك مو قويه وتطلع الصوره مظلمه او اقولك استعمل عدسه 50 مم بفتحت عدسه 1.8 واضاءتك جدا قويه وتطلع صوره بيضه

الفكره اهني انت شنو تبي اتصور

تبي تعرض منتج للبيع مثلا ؟؟ يبيلك صوره حاده جدا وواضحه التفاصيل اذن تحتاج فتحت عدسه 5 وفوق ..اهني بهالحاله تقدر تضبط الكاميرا على وضعيه معينه ( مادري بكاميرتك شنو الطريقه لاني ما جربتها )

بس في وضع تقدر تخلي فتحت العدسه مثلا 7 او 5 او اي شي وهو يتحكم بالباقي حسب احتياج الصوره

او انت تشتري ميتر يسجل قوه الاضاءه ويعطيك البيانات الي بتستخدمها بس ما نصحك الحين لانه بيكلفك

بالنسبه لافضل عدسه والمسافه وغيره من استفسارات هذي ترجعلك انت كمصور .. في صور وايد صوروها بعدسات جدا رخيصه نفس ال 18-55 وطلعت صور افضل من وايد عدسات قويه

منتجات تبي اتصور بعدسه نفس الي ذكرتها او الالى منها 18-105 والمسافه انت حر فيها تبي تغطي مساحه الصوره تبي تخلي اغلبها فراغ

بالنهايه اقولك اول سؤالين انت تحدد اجابتهم بالتجربه فقط


السؤال الثالث
بالنسبه للبوكيه اكيد يعتمد اعمتاد كبير على فتحت العدسه بالدرجه الاولى

يعني استعمل 2.8 وانت نازل 1.8 او 1.4

مره جربتها كنت بالشقه وبعدسه 50 مم 1.4 صورت الشارع وطلعت صوره نفس الي انت حاطها ولكن بدوائر اكبر بوايد

اهني لعبتك حط الاضاءه بعيده نوعا ما وصور على فتحت عدسه 1.8 مثلا

شفتها كبيره صغر فتحت العدسه لل 2 لين تظبط معاك بالحجم المطلوب



بالنهايه جرب وجرب وجرب وراح تشوف انه التجربه افضل من الاسئله لانه ظروف التصوير تختلف من مكان للثاني حتى لو بنفس المكان وتحركت متر واحد بتختلف عليك الظروف والاضاءه

alzeen_25
04-03-2012, 11:29 AM
من تصويري للمنتجات

http://im21.gulfup.com/2012-03-04/1330853294761.jpg

الارضيه عباره عن ورق ابيض والاضاءه اضاءه مطبخ مع لمبه موفر طاقه ماسكها بايدي

والعدسه 50 مم كانون

وباقل التكاليف طلعت صوره جيده نوعا ما وما كنت اعرف لا اصور ولا اعرف الاعدادات وكان صارلي يومين شاري الكاميرا ومستانس عليها

Bu Naser
04-03-2012, 12:39 PM
السلام عليكم
الأخ كويتي فوني

أكلمك بالنسبة للكانون بما إني مستخدم كانون
تصوير المنتجات لها عدسات معينة
مثل عدسات الماكرو وعدسة البورتريه خمسين وعدسة الضوء الخافت 85 وعدسات التلت شفت
إنتوا عندكم في النيكون عدسات خاصة لتصوير المنتجات أكيد مثل الكانون
بالنسبة لبعد المسافة
لازم تقرأ مانيوال ( كتاب تعليمات العدسة ) أو من موقع النيكون لكل عدسة

أنصحك تروح عاليوتيوب وتكتب بالبحث كلمة products photograghy
راح تشوف الطريقة مع الشرح بالتفصيل

موفق

Bu Naser
04-03-2012, 12:50 PM
السلام عليكم

هلا بو يوسف

بالنسبة للإكستندر الكانون هو معهمول لعدسات كانون السوبر تليفوتو
وبعض العدسات التليفوتو والزوم تليفوتو
وما يركب على العدسات EF-S اللي مثل EF-S 18-200mm وغيرها

لازم تدخل على موقع العدسات كانون وتدخل على كل عدسة
وتشوف الخصائص وراح تعرف هل يتوافق معاها الإكستندر ولا لأ
http://usa.canon.com/cusa/consumer/products/cameras/ef_lens_lineup

في بعض المستخدمين يستخدمون نوع ثاني من الإكستندر إسمه Kenko
http://www.kenkoglobal.com/teleplus.html

هذا يركب على العدسات المتنوعة ما عدا نوع ال EF-S
ولازم تختار الكنكو المناسب لفتحة العدسة

المسألة يبيلها شوية قراءة وإطلاع :read:

Bu Naser
04-03-2012, 02:53 PM
السلام عليكم

شوف أخوي كويت فوني

صورت الساعة بضوء المطبخ على الطاولة لونها أبيض
ما إستخدمت أي خيمة تصوير ولا إضاءات إضافية وبالعدسة التقليدية

60D + EF-S 18-55mm f/3.5-5.6 IS II

خليت الزوم على 55mm
والمسافة جدا قريبة يمكن عشرين سنتيمتر

http://im16.gulfup.com/2012-03-04/1330865295311.jpg (http://www.gulfup.com/show/Xceohu1m88k6)

Taekwondo
04-03-2012, 03:16 PM
ما شاء الله بوناصر ، الله يباركلك بالساعه ، Rado ماركه عجيبه وعندي ساعه ذهبيه شريتها منهم وايد اعتز فيها صراحه ، ما البسها الا وقت السكبه :)

Bu Naser
04-03-2012, 03:28 PM
ويبارك فيك أخوي بوعلي
تسلم

الساعاتى
04-03-2012, 10:05 PM
رادو ساعه يحبونها الشباب والشياب الي عنده ساعه رادو يصورها ويحط الصوره

bo_mubarak
04-03-2012, 10:35 PM
مساكم الله بالخير جميعا بوناصر وبوعلي والشباب

bo_mubarak
04-03-2012, 10:37 PM
ماشاءالله بوناصر الساعه ذكرتني بالوالد الله يعطيكم معاه طول العمر

Taekwondo
04-03-2012, 10:38 PM
الله يمسيك بالنور والسرور اخوي بومبارك يا حياك الله :)

اخوي الساعاتي ، بعد شوي ان شاء الله ازهب الكاميرا واصور ساعه الرادو :)

bo_mubarak
04-03-2012, 10:51 PM
كنت متخيل انه بس الشياب اللي يلبسون الرادوو

AlkhashabNawaf
04-03-2012, 10:54 PM
كانت عندي ساعة رادو بس عطيتها واحد من الربع
كنت شاريها من تايلند تقليد لوووول بس خوش سيراميك عليها

هذي اول صورة لي خارجية بكاميرا s100

http://up.***********/Feb12/Eq894329.jpg



اسمحولي صورت بوضع program كنت مندمج بالفايف دي ههههه
فتحة العدسة 2 والشتر 10 للاسف ما انتبهت

عدلت عالالوان شوية مو وايد

bo_mubarak
04-03-2012, 11:01 PM
ماشاء الله نواف انت مبدع

bo_mubarak
04-03-2012, 11:11 PM
علي قولت الربع لايوقف

Taekwondo
04-03-2012, 11:14 PM
اخوي الساعاتي ، هذي صور الرادو على السريع :)

http://up.***********/Feb12/CDU95435.jpg

http://up.***********/Feb12/02O95435.jpg

http://up.***********/Feb12/Txx95435.jpg

http://up.***********/Feb12/caH95435.jpg

http://up.***********/Feb12/2oO95435.jpg

بخصوص الوقت مو مضبوط لأنها اوتوماتيك ، حاطها بالدرج ولازم اكوكها واضبطها قبل لا البسها :)

Bu Naser
04-03-2012, 11:17 PM
السلام عليكم

الله يمسيك بالخير بو مبارك
هلا أخوي الساعاتي

بالنسبة للرادو دايما أشتريها وما أقطع عنها عشان ما تنخدش أبدا لو تحكها ببرج إيفل الفرنسي الحديد ههههههه
ليش تعلقت فيها ؟
كنت أشوف الوالد الله يرحمه يغسل ساعته الرادو بالجاز
أقوله ليش ؟ يقول تعلم وشوف وبس :chair:

خوش صورة أخوي نواف
ما شاء الله

Matereza
04-03-2012, 11:18 PM
بوعلي يبيلك تصور اكثر وتطبق اكثر
صورة بوناصر بالساعه احلى كاضائه وزاويه

Bu Naser
04-03-2012, 11:19 PM
ما شاء الله بو علي

هذه عندي إختها بالضبط بس لونها كحلي :smile:

وعندي وحده مربعة بعد

Taekwondo
04-03-2012, 11:22 PM
بوعلي يبيلك تصور اكثر وتطبق اكثر
صورة بوناصر بالساعه احلى كاضائه وزاويه

عساك على القوة على المرور ، نستفيد من خبراتكم ان شاء الله وخبره الشباب ، توني مركب فلاش اولمبس على كامرتي الباناسونك وكل شوي اتعبث ، اخوك عليمي بسوالف الفلاشات يبيلي اقرى عنه شوي :)

Taekwondo
04-03-2012, 11:23 PM
بوناصر ، جربتها مره بالمحل ومن يومها صراحه حب من اول لبسه :)

Bu Naser
04-03-2012, 11:27 PM
إي بس مو أي ساعة رادو وبس
لازم تكون داياستار هذا النوع اللي ضد الخدش
وفي نوع يكون كامل ضد الخدش مع السير يكون سيراميك بس تكون غالية
أنا ما حبيت غير الشكل الكلاسيك القديم

Taekwondo
04-03-2012, 11:33 PM
http://up.***********/Feb12/N0F96726.jpg

حجي Matereza نفس الصوره اللي فوق بس ضبطت الاضاءه وقصيت الصوره ، شرايك بالحده ، جيده نوعا ما ؟

AlkhashabNawaf
05-03-2012, 12:31 AM
يا سلام عليك يا بوعلي
خوش لقطة والله

من صوب اصور بالاس 100

والصوب الثاني اصور بالفايف دي تخسبقت

بس زين طلعت بهالصورة

http://farm8.staticflickr.com/7061/6953715745_322e152f7d_z.jpg


انشالله تعجبكم

قايلكم هالمكان حلو وافكاره والزوايا فيه ماتخلص

على قولتهم كم عشقت هذا المكان :P

ma7bob
05-03-2012, 12:42 AM
مساكم الله بالخير ،،،

خوش ساعات وخوش تصوير عليكم بالف عافية ،،، ذكرتونا بايام مضت

ما في وقت للتصوير الخارجي اخرتها بصور مايكرو و اتيحلة تصوير ساعات لول ،،

تايلندي تصوير s100 ما يجذب جنه تصوير عادي ،،

مع تحياتي للجميع ،،،

ma7bob
05-03-2012, 12:46 AM
ما شاء الله حدة قويه يا تايلندي ،،، جني بطلع معاك واخذ lx5 ،،، معاي

ما شاء الله تبارك الرحمن

Taekwondo
05-03-2012, 01:02 AM
مساك الله بالنور بوحمد حياك الله :) تصوير الساعات يبيله تسدح بنص الصاله

تايلندي شوي شوي قاعد اتعلم على الفلاش اليديد شريته حق الباناسونك :) ما شاء الله الصوره الثانيه اقوى من الاولى ، ما مداني اروح الغانم اليوم ، مريت باناسونك ومعاي ميموري كارد كالعاده اجرب بهالكاميرات لووول ، على يوم ان شاء الله اروح الغانم واحاول اسوي ريفيو حق الكانون s100 من ناحية الايزو العالي

Taekwondo
05-03-2012, 12:13 PM
قواكم الله شباب :)

اليوم كان عندنا زياره لاحدى المدارس ، صورت جم صوره لكن هالمنظر عجبني لعدة اسباب:
1. الألوان المستخدمه تشرح النفس
2. نظافه الساحه ما شاء الله


الصوره الاولى من الكاميرا على طول

http://farm8.staticflickr.com/7044/6809231490_1cb99cdcaf_b.jpg


نفس الصوره ولكن طبقت عليها HDR من النت

http://farm8.staticflickr.com/7044/6955347651_330aa1e5e4_b.jpg



الكاميرا المستخدمه (Panasonic LX5)

AlkhashabNawaf
05-03-2012, 01:46 PM
تصدق بوحمد الاس100 مادري ماتوقعت تصويرها جذي عادي ضاق خلقي والله
بس ما عليه التجربة زينة
مع اني مجربها بالغانم وحيل عجبتني بس ما دققت على تفاصيل الصورة اكثر واللي ينرفز اكثر مافيها الحدة اللي في بالي
تعودنا على الفل فريم والسينسور العود :(

بوعلي خوش صورة والله وتسلم ايدك
تبدل؟ اعطيك الاس 100 وتعطيني الباناسونيك :p
ههههههه

لا اتغشمر عليك بالف عافية يا رب

بوحمد والله قلنا خل نتيمع على يوم ونطلع والله المكان حلو وما يتطوف يتروالي لو تروحله اكثر من 10 مرات بتلقى زوايا وايد وايد وراح تطلع بنتايج حلوة

الساعاتى
05-03-2012, 01:47 PM
مساء الخير للجميع
شكرا للصور وبالعافيه بوناصر وبو علي ساعة رادو للذويقه
وهذي صورة ساعتي ماركة ناشونال جيوغرافيك
احلى قناة ومجله وكل هواة التصوير والمغامرات والتاريخ والبحر يحبون المجله والقناة
http://im14.gulfup.com/2012-03-05/1330947816901.jpg (http://www.gulfup.com/show/X18rpwnmn1zi)
تصوير LX5
بس الكامره من اشفل الزوم الصور موذاك

Taekwondo
05-03-2012, 02:31 PM
الله يعافيك ما قصرتوا :)

تايلندي تستاهلها افا عليك من غير بدل :) بالنسبه لي شخصيا خصوصا الكاميرات الشبه احترافيه احب شغلتين فيهم: يصورون صيغة raw - يركب لهم فلاش خارجي ، حجي يمكن يبيلك تعديل بالاعدادات شوي ؟ اتوقع في شي غلط

اخوي الساعاتي ما شاء الله خوش صوره وعليك بالعافيه الساعه :) ما فهمت عليك شنو تقصد لمن تشغل الزوم ؟

Matereza
05-03-2012, 03:06 PM
بوعلي صورتك الثانيه افضل من الاوليين بمراحل
صوره وحده حلوه تغني عن عشر صور تقليديين

Taekwondo
05-03-2012, 03:11 PM
بوعلي صورتك الثانيه افضل من الاوليين بمراحل
صوره وحده حلوه تغني عن عشر صور تقليديين

قواك الله ما قصرت :thmbup:

alzeen_25
05-03-2012, 03:11 PM
بالنسبه للباناسونيك ال اكس 5

تصويرها لاند سكيب عجيب والماكرو رهيب بس المشكله فيها لما نسوي زوووم ما تعطي فوكس صح وقت الماكرو والصوره يصيبها تشويش نوعا ما ما تعطيك الدقه المطلوبه

هالشي لاحظته من زمان فيها ولكن غير جذي عليها صور حاده واكثر من ال7 دي نفسها لما يكون الزوم اقل شي

alzeen_25
05-03-2012, 03:14 PM
صوره بالال اكس فايف بدون زوم

ملاحظه الصوره بحجما الطبيعي 4 ميجا

http://im17.gulfup.com/2012-03-05/1330953150681.jpg

Taekwondo
05-03-2012, 03:15 PM
اها فهمت الحين ، تقصد الزوم وقت تصوير الماكرو ، صراحه ما جربت لأن وقت الماكرو دايما اقرب الكاميرا من الشغله ما اسوي زوم :) ايدي الزوم مني وفيني لووول

alzeen_25
05-03-2012, 03:17 PM
لا حتى لما اتصور شخص وتسوي زوووم ما تبي تطلع الزاويه عريضه ما تعطيك الكوالاتي المطلوب

الكاميرا من غير زوم شي وبالزوم شي ثاني

Taekwondo
05-03-2012, 03:17 PM
ما شاء الله صوره ممتازه جدا جدا ، حتى تفاصيل البدي طالعه واضحه

alzeen_25
05-03-2012, 03:31 PM
شباب قبل جذي ذكرت انه نبي توعيه للناس الي ما تعرف شي بالمنتدى وقلتوا انه ما ينفع وكل واحد حر بحلاله

صدقوني صرنا محتاجينها لانه في ناس تمزح بالمنتدى او انها بدون قصد تبي تستغل البشر

ما راح اذكر مواضيع معينه ولا اسماء بس الي متابع راح يعرف وين المواضيع الي مبالغين فيها لدرجه انه يحطون اسعار اغلى من الوكيل ب200 دينار عباله فاهم بالبيع

شخصيا ما قمت شتري شي لانه كل ما حطيت ببالي شغله طلعلي راعيها يقولي ابيها بهالسعر وهي بامزون ارخص ب 400 دينار وبالكويت ارخص بعد

مليت :d

الساعاتى
05-03-2012, 05:50 PM
توني قاعد اجرب عدستي الجديده 17-40
الصراحه ما عجبتني في التصوير الداخلي
لانه الايزو يرتفع وانا ما احب الايز
ان شاء الله اجربها باماكن غير

AlkhashabNawaf
05-03-2012, 05:53 PM
حبيب يا بو علي من طيب اصلك يالغالي

الزين والله جني فهمتك :p

اي والله يبون الشي اغلى من امازون
شالله حادني اشتريه عاد

اطلبه وانطر جم يوم وتوصل اغراضي وبس

خلها على الله

alzeen_25
05-03-2012, 08:02 PM
الساعاتي التصوير الداخلي الي تتكلم عنه خصوصا بعدسه وايد انجل تقدر تتحكم فيه عن طريق سرعة الشتر لو ما تبي الايزو يرتفع

لانها العدسه مو مخصصه لتصوير الاشخاص على ما اظن وهي لتصوير اثاث او غرف ووعمارات ومناظر طبيعيه

جرب تحطها على ترايبود وسرعة شتر قليله وشوف النتايج .. انا مجرب العدسه داخلي وخارجي وحاملها بايدي وكانت رائعه بكل معنى الكلمه

------

تايلندي ادري انك فهمتني المشكله انك لما تكلم الناس تكلمهم باحترام وتعطي اسعار وربي ماحد بالمنتدى والمشكله مافي احد غشيم عن الاسعار وشلون آلية البيع بالمنتدى .. اوكي ما تبي تبيع حقك وعلى عيني وراسي بس تقعد تقط كلام ماله داعي بصراحه قويه ... هالجم يوم صارت فيني مواقف عجيبه

واحد مواعده وناطره بالشارع ولا يقولي ببيعها بالسعر الفلاني قلتله الله يوفقك .. كان في فرق بين سعري وسعره قلتله حقك
بس بعدين عرفت انه باعها بفرق 10 دنانير :d مادري هل تسوى انك تنقعني بالشارع علشان عشره ولو طلبتها مني بردك فيها ؟؟

والثانيه ذكرناها فوق مافي داعي نعيدها ههههههه

وسالفه ثالثه بعد ماله داعي نذكرها المهم اني مليت ههههههه

الساعاتى
05-03-2012, 09:57 PM
تسلم اخوي الزين قاعد اجرب بس بيني وينك قاعد اقول لو صابر وماخذ 16-35
بس الحمد الله عموما انا ابيها للسفر زينه خفيفه+معظم الصور بالنهار
وان شاء الله اذا طلعت شي حلو اتشوفون النتائج

Taekwondo
05-03-2012, 10:51 PM
الزين من صجك ، صاير المزاد صراحه مو نفس قبل ، تلاقي شخص يتصل عليك ويسوم بسعر ولمن يوصل يقولك راعني ، ماكو الا نبيع عن طريق التحويل البنكي لووول لا تراعيني ولا اراعيك

slmawi
06-03-2012, 06:55 AM
الساعاتي 17-40 تحفة فنية حدتها ونقاوتها شي خيال اعتبرها عدسة الاكثر استخدام بس تحس بقوتها على fstop العالي تصويرها اوميلوها اكثر شي لاندسكيب او امور الجامدة مثل سياير بيت ديكور
كتصوير شخصي او حق سفر في عدسات افضل تكون مجالها اوسع بالزوم مثل 24-105 او24-70 او على قد الميزانية 28-135 افضل عدسات حق سفر متعددة الاستعمالات

والله ياخوي هاني وبوعلي هذا السوق يرفع السعر فوق بس في ناس محترمة قبل جم سبوع شريت عدسة وايد انجل 10-22 كان طالب فيها 195 بعد ماكلمته خذيتها 175 اعتبره سعر جيد حتى لوغالي احتاجها
ولله الحمد تجربتي معاك ومع الي بعتله عدسة ناس محترمة تحترم السعر المتفق عليه
لانه اكثر ماعندي يوم تتفق وقت المواعد او المعاينة يغير بالسعر ماعندي اوماتسوى ومن هذا الكلام ومامرت علي هل ناس للحين لانه قليل ماابيع
مرات العدسة تسوي مبلغ اكثر بس السوق متشبع منها اوماعليها طلب طبيعي السومة تكون اقل من المعتاد لانه بالنهاية عرض وطلب ومسألة تسويق بدون كسر بالحلال


هذي تجربة حق نظارة يديدة شريتها :) وقلت بجرب اسوي تجــــــربة دعائية ممكن تكون فاشلة وممكن تكون ناجحة انتوا تحكمون ورايكم وانتقادكم يهمني جداً ومنكم نستفيد

http://farm8.staticflickr.com/7176/6958008293_8c2fffacbb_b.jpg

الساعاتى
06-03-2012, 12:14 PM
شكرا سلماوي قاعد اجربها عموما انا جربت 18-135 بس الوانها كئيبه
ال 17-40 وايد احسن والالوان تطلع احسن بس اي صوره داخل البيت الايزو يرتفع
عدسة 24-70 قويه بس عيبهاثقيله

Taekwondo
06-03-2012, 02:27 PM
ما شاء الله خوش صوره اخوي سلماوي ، قواك الله :) على فكرة ترى الشركات تحب الصور الدعائيه يعني لا تستبعد بيوم من الايام ياخذون تصميمك ، اذكر سنة من السنين خذوا صور لاندسكيب من مصور كويتي حق خلفيات وندز فيستا مادري وندز 7 :)

AlkhashabNawaf
06-03-2012, 08:25 PM
السلام عليكم

يا جماعة اقدم اعتذاري الشديد

للاخ الكبير بو ناصر

لاني دزيتله رسالة خاصة وقلت له اني ببيع كامرتي s100 وبنفس الوقت كتبت الموضوع

وما طول الموضوع ودق علي واحد وقالي انا شراي وياني لي البيت واخذ الكاميرا وتمت البيعه!

وفتحت المنتدى وتفاجئت برسالة من اخوي بوناصر يقولي انا شراي!

انا الحين امام الجميع اعتذر اعتذار شديد للاخ بو ناصر

واسمحلنا يالغالي

Bu Naser
06-03-2012, 08:34 PM
السلام عليكم

:smile:

مسموح أخوي بو نواف أفا عليك
كلنا صرنا إخوان خلاص
عادي
أنا حبيت أخلصك من هالكاميرا وكنت راح أهديها لصديق بره الكويت
بس ما عليه قبل السفر أشتريله كرتون كت كات ههههههههه

تسلم يالطيب
تحياتي

Bu Naser
06-03-2012, 08:36 PM
السلام عليكم

أخوي سلماوي
ما شاء الله صورتك جميلة جدا

Taekwondo
06-03-2012, 08:40 PM
وعليكم السلام ورحمة الله وبركاته ، ما صار الا الخير ان شاء الله وربي يوفق الشاري والبايع ان شاء الله ، كان الاولى الاتصال على رقم نواف اللي بالتوقيع بدال رساله على الخاص :)

مو من نصيبك ومعوض خير ان شاء الله

AlkhashabNawaf
06-03-2012, 08:40 PM
حبيب يا بوناصر
تسلم ما تقصر ونعم الرجل والله


يا جماعة الحين الجو مو برد ولا هو حار خصوصا وقت المغربية

فا اذا تبون نطلع نروح نصور بالدوحة خل نحدد لنا يوم من الحين

يا الخميس او الجمعة

ونكلف واحد ينسق الطلعة

ترى يا جماعة المكان حلو ويستاهل العنوة

الموافق يرفع ايده

موافقه؟

Taekwondo
06-03-2012, 08:57 PM
حجي تايلندي بخصوص الطلعه ، خل اشوف باجر ان شاء الله اذا صاحبي بالنادي راح يروح مع الفريق البطولة ، ما عندي شي وان شاء الله معاكم ، اذا قطني على صخر صعبه :)

قبل شوي مريت صوب ارض المعارض ، كان عندهم معرض كويتي وافتخر ، طليت ورى ولا الباناسونك LX5 معاي ، حطيتها على وضع P وقفلت الايزو 400 وطلعت معاي هالصوره ، بس كنت بشوف تصويرها الليلي على ايزو 400 ، اتوقع مقبوله نوعا ما ؟ خصوصا الكاميرا مو على ترايبد ، ماسكها بيدي

http://farm8.staticflickr.com/7038/6813451588_be8ea0c824_b.jpg