المساعد الشخصي الرقمي

مشاهدة النسخة كاملة : شباب بشتري بقي وياريت تفيدوني شنو الاحسن


كندري كوجيك
23-08-2012, 01:44 AM
السلام عليكم

شباب بشتري بانشي وياريت تفيدوني شنو الاحسن

بانشي ... رابتر 660 ... وايف زد ؟

وايهو اكثر خرابات ؟

وايهو خرابته رخيصه ؟

والاحسن قار وتراب ؟

ومشكورين ........

trx700xx
23-08-2012, 01:58 AM
ولله كل إلي قلتا بألبانشي.

برطم
23-08-2012, 03:48 PM
يالغالي البانشي أسرعهم بس عيبه بانزين خلط و هندل ومافي قري وغير مريح حق ادروب وyfz ماشي حاله بس عيبه غير مريح نهائيا ماينفع حق دروب ومافي قري اما الرابتر 700من موديل 2007 وطالع أفضلهم يشتغل بالمفتاح في قري ومريح وحق ادرووب تمشي وانت مرتاح البانزين موخلط بس عيبه ثقيييل أشووويه انا انصحك بالرابتر 2008وطالع موفق ان شاء الله

بوجويس777
24-08-2012, 04:33 AM
السلام عليكم
البانشي: بانزين خلط - ٢ ستروكر ـ حراره مرتفعه عالقار ـ تبديل بلاكات كل اسبوع - بطاريه - صينيه كلج
الرابتر : بانزين عادي - ٤ ستروكر - مريح عالقار - الحراره عليها عرات - وايرات البطاريه - يرجع قري

انا جربت رابتر ٦٦٠ ومانصح فيه كلش اخوي خراباته : وايرات البطاريه + القير
والبانشي جيد حق البر بس مانصحك بالقديم راح يآذيك وايد
وسمعت عن رابتر ٧٠٠ يقولون قوي بعد مادري
وموفق خير خيي

كندري كوجيك
24-08-2012, 04:35 AM
مشكورين عالافاده

P O L I C E
24-08-2012, 06:40 AM
اخوي .. كل شي على حسب استعمالك .. وكل بقي له عيبه و زينه .. بانشي ممتاز بس مشكلته ماينفع قار لانه خلط 2 ستروك .. والرابتر 660 هم ممتاز بس يمكن قطع غياره انا اشوفها شوي غاليه و 4 ستروك .. والوايف زد حيل ممتاز حق بر و قار وخط و 4 ستروك مو خلط وممشاه حيل حلو وقطع غياره هم شويه غاليه ..

واحسن شي عندك الرابتر 700 ..

وبالنسبه لممشاهم كل شي يعتمد على الاغراض يالغالي .. اذا كلهم ستوكات الرابتر 700 وبعده الوايف زد وبعده بين البانشي والرابتر 660 .. بس بالاغراض كل الحسبه تتغير :)

trx700xx
24-08-2012, 08:13 AM
ولد عمي أنا أنصحك بالهوندا لافية خربات وله حرارا أومشأ الله يطير أو يصلح حق بر أو تراب

trx700xx
24-08-2012, 08:20 AM
يصلح حق قار أو تراب *

POWER
24-08-2012, 10:04 AM
Yfz 450 بلا منازع

monther70
24-08-2012, 10:23 AM
انا جربت انواع الياماها كلها ماكو على الرابتر 700 انصحك فيه بقوه وبالنسبه للبانشي حلو ومريح بالقياده واهو الافضل فبها بس يبيله واحد يفهم بالبانشي عشان احافظ على المكينه والواي اف زد مجنون طعوس عزمه جبار بس الاحوال العاديه الرابتر افضل منه

كندري كوجيك
25-08-2012, 02:33 AM
كل الشكر لكم

كندري كوجيك
25-08-2012, 02:38 AM
شباب انا من كلامكم دش بخاطري رابتر

بس شنو تنصحوني فيه 700 ولا 660 وشنو الفرق بينهم .؟!

P O L I C E
25-08-2012, 09:11 AM
اكيد الرابتر 700 احسن اخوي .. والفرق شاااسع وكبير بينه وبين الـ 660 من ناحية المكينة و القير ( الـ 700 يرجع قري ) و الشكل والعزم وحتى السعر !

الرابتر 660 اخر موديل نزل له 2006 ومن 2007 نزل الرابتر 700


وموفق يالغالي

كندري كوجيك
27-08-2012, 02:45 AM
يعطيكم العافيه بس شنو خرابات ال660 ؟ وهل خراباته رخصيه ؟ ولا نص ونص وشنو اكثر شي يخترب فيه ؟

كندري كوجيك
28-08-2012, 06:46 AM
............

كندري كوجيك
30-08-2012, 05:59 AM
...........

كندري كوجيك
31-08-2012, 05:05 AM
؟؟؟؟؟؟؟؟؟؟؟؟؟؟؟؟؟

zizo--5
31-08-2012, 12:09 PM
اخوي اخذ رابتر 700 بدوووه لاتفكر بقي بصراحه نااار وانا عندي واحد اذا بتيي اجربه حاضر بس مو للبيع لانه توني ماخذه 😜 واذا قررت دزلي رقمك وتعال شوفه

till burn
31-08-2012, 02:21 PM
الله وكيلك اخذلك هوندا trx450 سهل تويل و 4ستروكر عب بانزين وامش وين ما تبي ومايخترب كلش والبقي على حسب الاستعمال اخوي انصحك trx حلو وايد

كندري كوجيك
08-09-2012, 01:11 AM
مشكورين يااخوان انا بخاطري 660 موديل 2005 شنو خراباته ؟

ناصر6678
08-09-2012, 08:31 AM
حبيبي كل شي حسب استعمالك والي يقولك قطع غيار ومادري شنو خل يستريح توني مجفت مكونه قطع وكاااااله ب١٧٠ دينار للرافعي والواقعي كد ومد