السلام عليكم

شباب بغيت استفسر منكم عن افضل عرض للايفون واقل مده

ياليت الي عنده علم ينورنا بهالشي

للمزيد من مواضيعي

اللي اعرفه عرض الوطنية ع الايفون ٣٢ جيجا
١٢ دينار للجهاز + ١٠ دنانير تاخذ باقة للخط + ٥ دنانير خدمة نت = ٢٧ دينار
لمدة ١٨ شهر
راح يطلع لك ٣٢٤ دينارمع خدمة نت + مكالمات بقيمة ١٠ دنانير ..

حسب كل العروض واللي سألت احسن شي تاخذ جهاز بروحه وبس

عرض زين لي تاريخ 30/11
ايفون 16 جيجا = 150 دك
ايفون 32 جيجا = 175 دك

بس العرض شنو ؟؟
انا اقولك
تشترك بخدمت ويانا بقيمه 9 دك (( طبعا تتكلم فيهم طول الشهر )) كانك معبي رصيد مسبق
وتشترك بخدمه انترنت سمارت فون بقيمه 7 دك (( سرعته 1 ميجا بايت ))
وبس وغير جذي ماتدفع ولا شي
يعني تدفع 150 دك اذا تبي 16 جيجا وتاخذ الجهاز وتروح بيتكم
وكل شعر ينزل عليك اشتراك 9 دك مكالماتك واعتقد انك ماراح تتكلم باقل من هذا المبلغ طول الشهر
وتدفع 7 دك حق النت (( الايفون بدون نت مايسوا ))
هذا العرض تشترك فيه لمده سنتين
وفي لمده سنه وحده بس ماعرف جم يصير سعر الايفون
وطبعا دقيقتك 20 فلس من زين لي زين من الساعه 8 الصبح لي 11 بالليل
ومن 11 بالليل لي 8 الصبح دقيقتك اعتقد 15 فلس
ومن زين لي فيفا او وطنيه او ارضي 34 فلس
واذا تكلمت فوق ال 9 دك اشتراكك (( تدفع بس الي تكلمت فيهم زياده ))
يعني بالشهر 16 دك
العرض متوفر بمحلات الموزعين المعتمدين حق زين
من ضمن المحلات
هاتف 2000
بحولي بشارع بن خلدون
بعد مجمع العثمان
طبعا انا عندي هالمعلومات لاني اشتركت بالعرض
*** (( موشرط تاخذ خط يديد)) تقدر اتضيف الخدمات على خطك
انا ضفتهم حق خطي
لاني حسبتها صح
انا اتكلم بالشهر مابين 35 دك الى 40 دك
وانا من 3 سنين مشترك بخدمة النت 13 دك
يعني لم احط خدمة 9 دك وخدمة النت 7 دك ماراح اكون خسران شي لاني دافعهم دافعهم سواء سويت الخدمه ولا لاء
طبعا ممكن تسألني شركه زين شنو تستفيد لم تعطيك العرض ؟؟
انا اقولك
تستفيد انها راح تضمنك عندهم لمدة سنه كامله وبس
وسلامتك وتسلم
اخوك بوعلي